Nun ci iè datu di sapiri, lu Disegnu Divinu
Chista iè la frasi, ca sintiu diri, a lu Parrinu
la dissi 'nti 'na occasioni, Patri Stagnu ....
a la gluriusa Scola Media, ca c' era tannu
Ièravamu agnunati 'nti nu lucali arrangiatu
venerdì 17 marzu, di l' annu 1962
'nti n' attimu nni muriru 14, e no unu
e NU, aspittavamu a ccu nun arrivò di tunnu
Villarosa addivintò, nu ranni Spitali da Campu
li ambulanzi currivanu, ccu li feriti, senza scampu
li giurnalisti, cche machini, facivanu cumu li pazzi....
e la tragrdia fu 'na cosa da pazzi
Parrì, pirchì DIU a permessu di cristiani lu sciupiu ?
Carusi, nun ci iè datu di canusciri lu Disegnu di DIU
viditi, sulu DIU sapi di la vita di ognunu, di chinu
nuautri, nun putimu diri autru ca......... mi inchinu.
Puru ca, paccamadora, vivimu di stenti
avimu la spiranza di fari canciamenti
ma NO, parlannu materialmenti
ma parlannu, ammeci, spiritualmenti
in armunia ppi unni cci a da situari abitualmenti
pirchì Diddu lu sapi già, unni saremu stabilmenti.
Nuautri simu chiddi ca nun sapimu nenti
e ni sfurnusciamu a fari tutti 'sti ragiunamenti
che sò discursi, arriva 'nti lu cori e 'nti la menti
e ppi chissu, ci sugnu riconoscenti
e sugnu sempri cchiù cuntenti...
ppi tuttu lu cunsensu ca iavi cca genti
La Duminica, la sù pridica, iè china di sentimentu
ca 'nvita la genti a stari ccu DIU e fari pentimentu
Grazii Patri Stagnu, di tuttu chiddu ca m' a 'mparatu
e ppi chissu, ci nni sugnu . .......... ppi sempri gratu
ccu Affettu e Rispittu
Fedele Di Francisca
Villarosa 30/10/2012
Quando ho consegnato questa poesia a Padre Stagno, è stato molto contento di avere ricevuto la poesi a Lui dedicata
RispondiElimina