Lu Esercenti di Miniera
• OI, nun cci abita cchiù nuddu ma assai ricordi iavi ‘nchiusi d’ incuddu ora ca la me vita iè a lu tracuddu… di accussì vinni, e nun mi puzzu iri a rumpiri lu cuddu.
• Ma nun iè statu sempri di accussì brulicava di vita finu a lu duimila e tri ‘ Lu me nannu Micheli la costrui ‘ e ccu la me nanna Carolina , campà e cci muri ‘
• Faciva lu Esercenti di Miniera cco Surfaru lu guadagnu c’ era Fedele, Raffaele, Elisa, Lilliana, annascivanu, E, ppi urtimu, Pino annasciva lu cchiù sfurtunatu fù Fedeli, ca di Carrabuniri, 'nti 'n' attentatu muriva
• ‘nti ‘na fotografi’ ‘ngrandita ‘nu Principi pariva chissu quannu iera nicu, di accussì appariva. La foto Lina a Cefalù, si la purtava e ora iè proprietà di Sandra Giarratana.
• Turnamu a la casa, ccu nu giru di boa iamu a taliari cchi c’era ‘nti li catoia nicu iu, assai ricordi cci aiu ancora…. la gaggia dintra e li gaddini fora
chi timpi, carusi !
• amu vissutu nu periudu, ca cci nni voli ora a quali computer ! tannu si iucava fora ca sicuramenti iera migliu di ora. si crisciva migliu, stannu dda ffora !
• Si facivanu amicizii sinceri e duraturi puru ca nun c’era lu manciari a tutti li uri cci aviva statu la guerra, e ieranu timpi duri o pustu di la carni, si manciavanu sulu verduri
.
• Ma eccu ca arrivàru li favolosi anni sessanta sulu cu li a vissutI sapi cumu si campa arrivò la mudernità, ccu tutta la so vampa …. ca durà finu a li anni ottanta.
• Ora chiudu, pirchì chista iè nautra storia tuttu chiddu ca scrivu, vaiu a memoria li Cristiani passanu ma lu scrittu resta….. e chissu iè tuttu chiddu ca ni resta..
Fedele Di Francisca 04/06/13
Nessun commento:
Posta un commento