A COSA CCHIU' PREZIUSA

A   Cosa   cchiù   Preziusa                                             (Puisia   didicata   a    lu    Prof.   Magnifico   Giuseppe)                                                                                                                                                                                                                                   

         Quannu   si   iavi   nun   si   cci   pensa                                                                                                      iè   cumu   si   unu   grapissi   'na    cridenza

         grapi   lu   cannulu   e   curri   l'acqua   a   fluttu....

         e   tranquillamenti   ti   lavi   e   ti    sciacqui   tuttu.

***     Ma   nun   iè   statu    sempri    di   accussì

         quannu   iu   aviva   18   anni,   l' acqua   si   esaurì

         ppi   farimi   la    doccia,   arrivammu    a   iri    puru   a   Castrogiovanni....

         pirchì   a   Villarosa   acqua    nun   cci   nnera    a   nnuddi   banni.

***     L' acqua   iè   la   vita   ppi   'na    comunità

         senza   di   chissa    nun   si   pò   campà.

***   Mancannu   l' acqua,   nun   si   campa   di   tunnu

         " U   LASU ",  cci   la    ma    dari,   a   lu   sinnacu   ca   cc'  era    tannu

         ca,   cummattinnuci,   e   innusi   abbiliannu....

         truvà   l' acqua,   senza   fari   assai   dannu.

***   La   truvaru   a   li   pedi   di   Calascibetta ....

         e   li   Sciurbisi,   si   vulivanu   'mpatruniri   di   l' acqua   supra   detta.

         Ma   lu   nustru   Sinnacu,    si   misi   'ncapu   la   vetta....

         l' acqua   servi   a    nuautri,   e   nun   si    rigetta

                   Si   stavanu    arripitinnu    li   sceni   di   centu   anni   prima

•          quannu   li   Sciurbisi   avivanu   tagliatu   la   risma
           Armati   di   tridenti,   partiru   da   Villarosa.....
           scapparu,   e   misiru   a   pustu   ogni   cosa.
  
  
  ***   Lu   Professuri   Magnificu,   nun     pigliò   lu   tridenti
           ma   niscì   sulamenti   li   denti
           a   bastatu   lu   codici   'mmanu   e   avvucati   nenti.....
           e   risolvì   lu   prublema,   cumpletamenti
  
  
  ***   Lu   me   Patri,   mi   lu   diciva   sempri,
           ca   acqua   nun   nni   avissimu   ppi   nenti;
           si   nun   iera   ppi    lu  Prufissuri,  ca   pacificamenti....
           a   saputu   risolviri   lu   prublema,   MAGNIFICAMENTI
  
  
  ***   Simu   'nti   la   china   stasciuni
           e   l' acqua   curri   a   jumi
  
  
   ***   Grazii,   Prufissuri   MAGNIFICU,    ppi   lu   sò   operatu
           la   Comunanza,  cci   avissi   a   dari   'na  MEDAGLIA   a   meritu
           ca   chista   Puisia,   putissi   dari  ' n'  ammuttuni   
           ca   'lluminassi   li   Dirigenti   di   lu     COMUNI.
  
  
       *  ccu   Ammirazioni   e   Rispittu
  
  
              Fedele   Di  Francisca
  
  
             Villarosa   10/07/'13