di Carmelo D’ACCARDO
• Oh! Terra matri, Villarosa mia
Di lo iornu ca fù, ca ti lassai
Persi la testa, e persi la valia
Persi tutti li beni, c’acquistai
• Persi lu sfogu di la puisia
Di tutti li me versi, ca cantai
Ristaru tutti cosi ppi la via
Povira Musa, comu ti nghiagai
• E cantu malinconicu, e spirdutu
Tuttu l’affettu, e la me amurusanza
Di chidda terra, unni fui annasciutu
• A Villarosa, fonti di spiranza
Di lu me pettu, lu primariu scutu
E ppi biddizzi, nuddu ca l’avanza
• nicu paisi, ccu pocu abitanti
mpastatu di pueti, e ammiraturi
ca ‘nzina la Cummedia di Danti
la sanu analfabeti e professuri
• canuscinu la rima canzunanti
canuscinu la forza, e lu valuri
e si un pueta parla a duci canti
l’aduranu cunformi, a Diu Signuri
• nuddu senza superba, tutti amici
senza distanza, coppula e cappeddu
fu la natura, ca accussì li fici
quannu soffri di pena un puvireddu
• a vrazza aperti, nuddu ca si sdici
‘mbrazza lu teni comu un bambineddu.
ALLA MEMORIA DI VINCENZO DE SIMONE
GRANDE POETA SICILIANO
• Unni tu abiti, a li celesti celi
ca la divinità t’affida un postu
fila la varca, ccu li bianchi veli
versu di Cristu, ca di grazia espostu
• ssa varcuzza – la guida San Micheli
porta a Danti, a Pitrarca, e a l’Ariostu
e porta puru a tia, ccu Vanni Meli
ca dignamenti fù, di Diu propostu
• miu Diu Signuri, Tu ca in manu l’ai
dacci rifriscu, cchiù di quantu poi
• ca fù in vita ppi tia – pinzusu assai
• ppi tia, ppi nui, e ppi li santi toi
• tuttu chiddu ca scrissi tu lo sai
• morsi in grazio tò; di santu eroi
• ma si la morti so, cci desi guai
• premialu ora Tu, dunacci gioi.
• Amen
• Carmelo Daccardo
Nessun commento:
Posta un commento