LU DIALETTU
SICILIANU
( poesia di
Carmelo D’accardo)
·
‘nzacciu certu pirchì ci fui nasciutu
parlannu sempri lu nostru dialettu
Diu mi lu desi, un sugnu surdu e mutu
e d’autri lingui, un sentu nuddu affettu
·
cantu a linguaggiu miu, cantu assolutu
tuttu chiddu ca nasci, un cc’è difettu
di grammatica cercu nuddu aiutu
ca la natura mi fa lu currettu
·
‘ntra la parlata mia, vui cci truvati
na lingua tanta chiara e grazziusa
strascinu un lassa e mancu truppicati
·
ca fà piaciri a la divina Musa
quannu si senti a l’autri cuntrati
pezza un si t rova, a faricci n’accusa
Nessun commento:
Posta un commento