La Sicilia Conca d' Oro e " Pregi di Sicilia " di Carmelo D' Accardo

LA ME SICILIA. CONCA D’ORU

‘Nzacciu pirchì si chiama Conca d’oru

stà terra senza umbra di furtuna

e ricca di fragranza e di ristoru

ma la fami s’acchiappa a timpuluna

ma nuddu dicu, nuddu, nuddu foru

ccussì amurusi, ‘mpiegati e patruna

di sta Sicilia Matri, figlia e soru

livarila a li manu, a stì latruna

oru? Ma unni è l’oru? Ca duvissi

stari a la testa di tutti li matri

Pilatu un sacciu, quali sorti scrissi

sulu ca quattru ccu li panzi satri

mancianu a spaddi di li curgifissi

l’onestu emigra e restanu li latri.

E propia ppi stu duvutu motivu la sicilia campa sempri afflitta e puviredda, ppi tutti sti sgruccuna a la quali ni lu so cori nun po’ aviri paci né ora né mai.

Povera sicilia mia.

Autore   D' Accardo  Carmelo

PREGI DI SICILIA

Vaddi funnuti, ciumari e muntagna

e ppi favi e linticchi, e ppi furmentu

senza l’aguali, comu oru e argentu

l’avi ‘mpinciuti, ‘ntra li sò carcagni

di ficu, pira, puma e di castagni

nuci e nuciddi, senza finimentu

e l’ulivara, si cci stanu attentu

fanu di stemma a tutti li campagni

di pregi e antichità n’avi a un finiri

‘ntutti li parti, ‘nzina a Siracusa

ca cci vanu turista ppi vidiri

cc’è Taurmina la primaria spusa

di l’aria ca a nuddu fa muriri

nidu di ‘nglisi, ‘ncanta e sta pumpusa.

autore   D'Accardo  Carmelo

Commento a " La Sicilia Conca d'oro" e " Pregi di Sicilia "

COMMENTO

Per   la   rubrica   settimanale   dedicata   al   Poeta   D’ Accardo :

cc’è   Taurmina   la   primaria   spusa

di   l’aria    ca   a   nuddu   fa   muriri

nidu    di    ‘nglisi,    ‘ncanta   e   sta    pumpusa.

La   poesia   completa    la   trovi   su   facebook   pagina  " Le  Poesie  di   Fedele,   SU   Villarusani   nel   mondo   e   su   blog

COMMENTO  A    “ LA  SICILIA  CONCA   D’ORO”  E    “PREGI    DI   SICILIA” 

                                          di   Carmelo   D’ Accardo

“  LA   SICILIA   CONCA   D’ ORO “ ,   dal   titolo    di   questa   poesia,   sembrerebbe   che   il   Poeta  D’ Accardo  dovesse   descrivere    le    bellezze   della    sua   Sicilia; 

invece,      dalla   lettura   dei   versi,   traspare,  ancora   una   volta,  tutta   l’ amarezza    provata   per    essere   andato   via   dalla   sua   amata    sicilia.

Nella   seconda   poesia   “PREGI   DI   SICILIA”,   il   Poeta   D’ Accardo,   esalta   alcune   bellezze   della   Sicilia,   sottolinando   l’afflusso   turistico   in   Sicilia.  

Villarosa   ottobre   2013    Fedele   Di Francisca

Macalusu Pasqualinu

Dedicata   a   una   persona,  che   pur  essendo   costretto   alla   sedia   a   rotelle,  teneva   in   allegria   l’intero   reparto,   dandomi   enorme   coraggio   alla   vita,    e  alla   lotta  contro   la   malattia.
Macalusu     Pasqualinu

• DI   lu     Signore     macalusu   Pasqualinu                                                                                                             puzzu      diri   ca   iè,  n’  omu      chinu                                                                                                             ma   nun    iè   ‘mbriacu     di  vinu                                                                                                                    ammeci     iè     di    vitalità   strachinu

• sulu  ppi   Curpa    di   la   malatì   dissi,…..   mi    inchìnu                                                                                travagliannu, iè  cumu  si   avissi  iucatu,  o Tombolinu                                                                                       Tantissimi     travagli     aiu   fattu,        cca’     vicinu                                                                                          puru    L’Operaturi   Ecologicu ,  cioè   Lu  Spazzinu

• aiu     iutu     puru    ‘nti    li  Cantiri   Scola                                                                                                      unni    tuttu    cosi   si    fa’,   menu  ca  si  Lavora                                                                                             Ma     iu ,  Staiu    pinsannu ,    paccamadora                                                                                                           quannu    faciva  l’   ambulanti ……. fora

• l’ Ambulanti  lu  faciva,  ‘nti  li   strati,  a  li   bordi                                                                                           chiddu   ca    vinniva        ieranu ,      li   robbi                                                                                                   ma     nun   lu    faciva    cumu ,          ppi    hobby                                                                                             ma   ppi   putiri    accattari,    a  la   famiglia,   l’ addobbi

• Quattru      biddi      figli      amu     fattu                                                                                                             ca   tanti       nipotini       nanu        datu                                                                                                               la    muglieri   mia   ………L’ aiu    pirduta                                                                                                       ma   nun  avissi   statu   ura  di  muruta

• ma   a   ma  dari   a  DI’    lu   magnificatu                                                                                                        ppi     tuttu         chiddu         c’   aiu   avutu                                                                                                         puru  si   ora   sugnu          tantu    malatu                                                                                                          ma         sutta   boni   curi   sugnu  datu

• puru     si     iu     mi   sintu           tuttu    sdatu                                                                                                    e   ‘na   gamma    e   n’ucchju    aiu      pirdutu                                                                                                ma    lu    sensu    di   la   vita       m’a   arristatu                                                                                                 e   ppi   chissu  a   lu   Signiruzzu    ci    sugnu   gratu

• chista     prosa    puetica         aiu       vulutu       didicari                                                                                    a   ‘na    pirsuna     ca    l’alligrizza    nun   ci   finisci    mai                                                                                e  allura ,  ppi  chissu ,    iè   na   pirsuna,     da   premiari                                                                                e,    ‘na   medaglia ,    la comunanza   cci  avissi    a   dari

          ccu   rispittu   Villarosa      30 /10 /2012   Fedele   Di  Francisca


                                                                                                                                                                                                                                                                                                                                                               

La Piccidda Casa di la Visitazioni

La   Piccidda   Casa   di   la    Visitazioni

Iavi   di     lu  2010  ca  esisti  “La  Piccidda  Casa  di  la Visitazioni”

iè   nasciuta  duppu   ca   vinni  ‘n’ intuizioni

Dui   Pirsuni,   anu   avutu   l’  ispirazioni…

una  vinni   di   lu   meridioni.

L’ autra,  ammeci,  nun   si  sapi  di  unni   vinni.

Pirchì ………

Cumu   si  sapi  di    unni   veni   Cristina

ca   si   nna   jutu,   financhi   ‘nti  la   Cina  ?

Cristina  iè   cittadina   di  tuttu     lu   munnu

ammeci  Milena,   nun   si   l’a   giratu   di   tunnu.

Certu,   ca  Milena,  si   fa    chiamari    Matri   Badissa……...  a  sperta  !

“Duppu   ca   a  statu  ferma   ‘nto   ‘mpustu……..  e  mai   all’erta “ !

Ammeci   Cristina  si   aviva   a   guardari   da   tutti   i   latati !

si   iva   a   lu   TEXAS,   e   c’eranu   li   sparati

si   iva   ‘nti   li   Sardagnuli

e   truvava   li   testi   duri

li   Siciliani,   li   truvava    niguri,  di  lu  suli  anniguriati

ppi   nun   parlari   di  lu    CAIRU,  tutti   niguri  ‘nciruttati

e   ‘nti   la   THILANDIA,  ca   c’eranu   puru   li    affamati…..

e   unni    si   mangiava   puru    a    rati

Ma   unni    lu    aviti    vistu   mai   lu   mangiari   rateizzatu   ?

a    Cristina,  puru   chissu   cci   a   capitatu  !

e   cchi   iera   bellu, quannu  lu   papà   si   arricampava   tuttu  elettrizzatu

ppi     lu   travagliu   ca   aviva    realizzatu

ca   la   facciuzza   russa    mi    aviva    addivintatu

di   li    baci   ca   mi   aviva   datu.

                                                                                      

Datu   ca   aiu   fattu   tuttu   ‘stu   parlatu

di   Milena   ancora   nun   aiu   scrivutu

ca   ‘nti   li   pallottolini  si   nna   aviva    iutu…...

ma    troppu   rigidi   li   aviva   truvatu

e    lestu    li   aviva    lassatu

ma   lu   stessu   iè   vistuta   di   biancu

ccu   crucifissu   a   lu  cuddu

lu   anellu   a   lu   ditu ….

e   a   la   ‘mmaculata    sa    datu

Don   Eric  Burundi   li  a   aiutati

‘nti   ‘sta   impresa    su   ittati

sunu   sempri   ‘nchiffarati

Travagliannu   sempri,  e  mai   a   rati

Tutti   li   jorna   va  a  Sesto   s.  Giovanni

ma   ppi   evangelizzari   va   a    tutti   banni

ma   sempri   ccu  lu   aiutu   di  chiddu   ca  iè  Ranni

raggiungerannu    puru   Castrogiovanni

iè   nu   movimentu   tuttu   in   espansioni

e   ianu   tutti   li    ragioni

fanu   sulu   beni,  e   mali   nenti…

si   vidi   ‘nti   tutti   li   ragiunamenti.

auguru   cosi   buni   a   tutti   i   cumpunenti….

e   puru   a   li   signorinelli,... ccu  li   me   cumplimenti.

ccu   rispittu

 Fedele  Di  Francisca

COMMENTO DELLA POESIA "PINSANNU LA SICILIA"

Commento   a  “ Pinzannu  la   Sicilia “,  di   Carmelo   D’accardo

La   settimana  scorsa,  dalla   poesia   dedicata   al  figlio  “ Lilluzzu “ .  abbiamo   capito   cosa   ha   provato   il   poeta,  per   il    distacco   dal   figlio.

Questa   settimana,   con   la    poesia  “ Pinsannu    la  Sicilia “ ,   si   evince   il   grande    dolore   provato   per   la   lontananza   dalla   sua   Sicilia.

Inoltre,  leggendo   la   poesia,  mi   ha  fatto   riaffiorare   dei   ricordi,  che   erano   assopiti,  nei   meandri   della   memoria,   di   quando   ero   piccolo.   cito:

·        vurria  vidiri   ancora  a   prima   basa

li   muli   in   trippu,   dintra   l’aria   tunna

china   di   gregni,   e   la   spiranza   rasa

·        quannu   lu   granu,   arriva   ca   si  munna

e   luci   cchiù   di   l’oru   e   di   l’argentu

canta   massaru,   ca   la   pala   spunna

Quando   c’era   il   raccolto    del   grano,   con   il   sistema   antico,   io  mi   sono   rivisto,   bambino    di   8   anni,   con  la   mano   a   mio   Padre,  in   campagna   e     ho   visto    le    scene    descritte   nella   poesia.   Che   emozione  !

La    poesia   completa   la   trovi   su   facebook        “Villarosani   nel     mondo “  e   su    BLOG

         Villarosa  24  ottobre  2013                     Fedele  Di Francisca  

PINSANNU LA SICILIA, di Carmelo D' Accardo

·        Matri sicilia mia, terra ‘nfatata

allucintata di l’eterni stiddi

di un suli senza pari illuminata

·        quannu ti penzu ‘ntra li mei pupiddi

viu n’arcanu, chinu di trisoru

ca brilla ‘ntra stu pettu e fa faiddi

·        sempri pinzannu a tia ni spinnu e moru

sempri pinzannu a tia, penzu a me stissu

quannu era ccu tia, locu me d’oru

·        comu prima ti cercu e t’amu spissu

comu tannu t’aduru, a la pazzia

di la pena riduttu un curgifissu

·        venimi ‘nzonnu armenu o Matri mia

quantu vidissi ancora li iardina

carricati d’aranci e di lumia

·        e un và ca vegnu, ‘ntra la siritina

di genti, ca turnassiru a la casa

ccu panara di persichi e racina

·        vurria vidiri ancora a prima basa

li muli in trippu, dintra l’aria tunna

china di gregni, e la spiranza rasa

·        quannu lu granu, arriva ca si munna

e luci cchiù di l’oru e di l’argentu

canta massaru, ca la pala spunna

·        sti’immagini ca penzu e mi rammentu

cchiù di l’autri cosi sarvu e scrivu

cchiù d’amuri m’avanza , e mi turmentu

·        penzu tradenti, la pala e lu crivu

sacchi, visazzi, vardeddi e rutuna

foru li stigli ca cci cummattivu

·        ‘ntamentri in cumpagnia di stiddi e luna

supra la paglia, doppu ca spagliata

tavula fici, a li me maccarruna

·        cchi vita bedda! Larga e spinzirata

puru osservannu tutta la natura

di varia forma, ricca appitturata

·        gintuzzi cantiannu a la vintura

puru ppi guadagnarisi lu pani

lu cori ‘mpintu e un saccu a la cintura

·        e n’abbaiu cuntinuu di cani

ca tenu ppi sò guardia li pasturi

contra li gurpi, e la genti fruntani

·        quali prudigiu, e di gran geniu puri

di siciliani, d’amuri e curaggiu

crisceru a la Sicilia lu valuri

·        purtannuci ppi stemma un gran vantaggiu

di arvulu e primari vigniti

e lu vinu ca canta ogni vuttaggiu

cui si lu vivi  e un senti cchiù la siti.

LU CUNTU CURRENTI

   

• Mi   truvava   a   lu   spitali
certi   voti   si   fanu   amiczii     spiciali    !
ni   avivanu   successu   assai   cosi   uguali …..
ca   ora   li   vugliu      cuntari

• cco     sig   Maccarruni
avimu   assai   cosi   in   comuni
iè   ‘na   cosa  ca   ianu   assai   masculuni
e   iè   chiddu   di   essiri   creduluni

• A     bastatu    ca   nu   cassiri   di   banca   ti   dici
“ Aviri   lu   cuntu   currenti   iè   cumu   aviri   la    bici “
eccu   ca    iu    mi   lu   fici.
e   fu   accussì   ca   iu   ‘ncontru   a   la   pici  !

• iu,   cci   ‘ncagliaiu,   cumu   nu   lividduni
e   pinsu   ca   di   accussì    fu   puru   ppi    Maccarruni
E      accuminciammu    a   iri    apprissu   a   li   cambialuni …….
mancu   lu   timpu   di   aggiustari   lu   furguni   !
                                                                                               

• Li   guai   nun   li   vidi    subitu
ma   duppu   qualchi   annu
quannu    vidi   ca   lu   guadagnu
a   banca   si   lu     va    manciannu

• ppi   iri   avanti,   travagliavamu   puru   ‘nti   li   festi
ma   ogni   tri   misi   caricavanu     li   ‘nteressi
di   accussì   nuautri   facivamu   li   fessi
e   Diddi   si   inchivanu   li   cesti

• Amu   travagliatu   ccu   ranni   passiuni
ma   nnanu   ristatu    sulu   li   muscuni
“ Cu   iavi   pena    di   l’ autri   cristiani…
la   so   carni   si   la   mancianu   li   cani “

• e   nuautri,   travagliannu   ccu   passiuni
amu   fattu   fari   li   grana  a   li   mascalzuni
ca  anu   approfittatu   di   la   nustra   naturali   sodisfazioni
s’ anu   fattu   li   proprietà   ccu   soddisfazioni.

• ,na   vota   a   Catania   sintìu…..dui    ‘ngignera   ca   parlavanu :
“ Ma   chissu   cchi   travaglia   ppi   passiuni “  ?    
                                       SI  !
e   allura   grana    nun   nni    fara’,   mancu   si  si   mitti   a   ‘nginucchiuni.                                  
Ora    vugliu   parlari   sulu   di    Maccarruni :
• Maccarruni,    lu   rappresentanti,   iè   ‘na     pirsuna   ranni
sapi   vinniri   la   merci,   a     tutti   banni
puru    ca   la   pirsuna   nun   voli   accattari
sapinnucci      parlari,   l’ insalata   cci   fa’  cunsari

• S’ a  da   dari   lu   lasu   puru   a   la   mugliera
ca    lu   a   aiutatu   ‘nti   tutta   la   carriera
e   ora   ca  a   pusatu   a   cartuccera
lu   continua   ad   aiutari   unni   iera

• Sia   iu   ca   Maccarruni,    amu   stati   furtunati
di   aviri   li   mugliri   di   ‘sti   caratteri   furmati.
miritasssiru  ‘na   medaglia   d’ oro
ppi   la   pacinzia   ca   lu   Signuri   a   datu   loro

• Ora   ianu   ranni   cummattimintu
e   lu   fanu
ccu    lu   amuri  e   senza   nu   lamintu.

• ccu   chista   puisia   iu   ringraziu   la   mia                                                                                                       e    tu   ringrazii   la   tua…                                                                                                                           e   ringraziamu    sempri   lu    Signuri,                                                                                                         ca   cci   dessi     saluti   e   forza   a   tutti   li   uri.

   Fedele  Di  Francisca   30      gennaio    2013

LU IMPIANTU VUTIVU

***   Duppu   40   anni   di    elettricista    tuttofari…

          mi   vinni   ‘ntesta   di   parlari….

          di   lu   impiantu   cimiteriali

***   Successi    prima   di   lu   1990

         pirchì   duppu   trasì   la   liggi   46/90…..

         e   finì   tutta    la    vampa

***   C’era    a   Villarosa   ‘na   bedda    tradizioni

         tutti   li   anni,    si   aviva   a   fari   la   illuminazione   votiva

         ppi  aviri   lu   permessu,   a  lu    comuni   si   iva…..

         ca,   lestu   lstu,    lu   cuncidiva

***   iera   la   vuluntà   do   pupulu   ca    cumannava

         e   lu   pupulu,   li   lampade    votivi,   li   vuliva.

          Ora   vugliu   cuntari

          episodii   particulari :

          ***   Si   furmavanu   squadri   di   dui   pirsuni,

         mai    e   poi    mai    suli,

         li   scali,   mai   e   poi   mai,   falli   vagnari

         ‘nti     vinti   anni   di   ‘lluminari       né   ‘ncidenti,   né   guai.

• AMMECI      PASSAVAMU    JURNATI    ASSAI   GAI.

• Ogni    annu   aspittavamu   li   lamentele   di   la   Fucà

ca   viniva   a   diri   ca   la   tomba   si   cci   ‘ncendià

li   squadri   si   sciarriavanu,   ppi   cu   aviva   a   iri   aggiustà….

ammeci   iera   lu   SULI,   ca   cci   quadiava   lu   marmu   misu   ddà.

• Tiranti    di   ccà,   tiranti   di   ddà,    li    fila   nun   avivanu    a   tuccà

• ‘na   vota,   di   sira,   la   squadra   di   Mauriziu   e   Vastianu   Novellu

si   misiru   ‘ntesta    di   fari   nu   scherzu   bellu

• La   sira,   c’era   lu   baccamurtu    ca     iera    assai    attivu,

prima   di   chiudiri,   si   girava   lu   cimiteru

ppi   vidiri   si   c’era    qualcunu    vivu !

E   si   lu    girava    tuttu,   sanu    sanu.

• Mauriziu   e   Vastianu,   ficiru   ‘na   pinsata

“  ni   ammucciamu   ‘nti   ‘na    tomba

tuttu   ‘na   vota,   niscimu,   di   accussì   Diddu   si   scanta. “

• Ma,   cco   zi   Ninu     Passamunti

lu   scherzu,   nun   cci   potti   iri   a    munti

Prima   ca    Diddi    niscissiru…..

  ‘mprovvisamenti,   sintiru   ‘na   vuci     ca   diciva :

• “ EI,   CARUSI,   CCHI   CCI   FACITI    DDUCU    DINTRA    LI   TOMBI ? “

• Nisciru,    sodi,   sodi,  ................ e   ripigliaru   lu   travagliu

cco   zi   Passamunti   lu   scherzu   nun    cci   potti   iri    o    vagliu.

Villarosa   11   Maggio   2013***   

Fedele   Di  Francisca

   

A ME FIGLIU LILLUCCIU

Questa   settimana   pubblichiamo    una   struggente   poesia   di   Carmelo   D’ Accardo,   dedicata   al   figlio  Calogero,  quando   fu   costretto   a   emigrare,  senza   la   famiglia.

A    ME   FIGLIU    LILLUCCIU



• Lilluzzu,  ti   lassai  o  figliu  beddu
sulu  suliddu,  sì,  sulu  suliddu
ca   mi  parsi   lassari   n’anciuliddu
senza   patruzzu   figliu  miu  picciddu

• dintra  stu  cori  mi  batti  un  marteddu
‘ntra  li  momenti  quannu  pensu  a  diddu
ora  ti  mannu  un  duci  vasuneddu
ccussi  campi  cchiù  allegru  e  miatiddu

• oh!  Si  avissi  a  stu  momentu  l’ali
e  putissi  vulari  ‘ntra  li  celi
ddocu  vinissi  lestu  e  puntuali
ccu  l’ali  aperti  anchi  a  scattafeli

• senza  circari  né  strati  né  scali
né  la  me  varca  senza  remi  e  veli
ma  mi  sintissi  n’arca  imperiali
ccu  li  vasuzzi  tò  comu  lu  meli

• sugnu  luntanu  e  ‘mpettu  a  tia  ti  tegnu
unni  camini  vicinu  ti  sugnu
ora  mi  trovu  a  stu  luntanu  regnu
figliu  di  lu  me  cori  cchi  ti  dugnu

                                                >>>> continua


• ti  dugnu  lu  me  cori  ppi  sustegnu
ti  viu  ccu  la  menti  e  mi  ncutugnu
Diu  ppi  carità  nenti  pritegnu
dammi  a  me  figliu  e  spezza  stu  cutugnu


• nun  fù  nnè  curpa  tò  né  curpa  mia
figliu  Lilluzzu  siddu  ti  lassai
la  curpa  fù  di  chidda  sorti  ria
ca  nun  mi  vosi,  nò,   aiutari mai


• ma  ppi  l’amuri  di  l’autri  e  ppi  tia
pocu  pinzava  li  peni  e  li  guai
sprannu  ca  passerà  la  nostalgia
quannu  pù  vegnu  a  mia  vicinu  stai.