•
Finu a lu 1960, a Villarosa e Villapriolo c’ era ‘na usanza.
a colazioni, li mastri si avivanu a inchiri la pansa.
A ura di colazioni, a lu Priolu, mi ficiru manciari….
pani di casa, li alivi, formaggiu, ca mi ficiru arricriari
•
“ Lu suli cco crivu, nun si po’ ammucciari “
sunu gentili e ospitali, mancu la colazioni cci fù bisugnu di accattari
quannu a luci iu ppi aggiustari …….si assittassi ca a da manciari.
Mi spiegu lu pirchì, di accussì aiu vulutu accuminciari.
•
Parlavu di lu paisi di Giovanni Bognannu,
si aviva ‘mparatu cuoco, ma travagliava luntanu
Lu sig. Lo Ciuro ci dissi, vini cchiù vicinu
a lu MINI HOTEL ci stà assai travagliu, di chinu
•
Travagliava puru di notti, senza dòrmiri
ora iavi nu biddu ristoranti, pizzeria e stanzi ppi dòrmiri
A criatu travagliu, e li occasioni a saputu cogliri.
•
Po essiri orgugliusu, ppi lu sò fari, e senza appigliu……
a fattu chiddu ca autri anu rinunciatu, tipu a Grillu
continua
•
Su youtube, aiu vidutu i Matia Bazar, e Silvia Mezzanotti,
ca la vitti di prisenza a trattoria, di notti e notti…..
mentri ca faciva lu rinnovu elettricu, di lu locali
“ Fedeli, la accumpagni Tu a Silvia, ‘nti la stanza, Tè li chiavi “
•
Sunu biddi ricordi, pirchì li artisti, fanu parti di la nustra vita
ccu Giovanni Bognannu, avimu cuincidenzi ‘nti la visioni di la vita.
Fa parti di li cristiani semplici, onesti, e sinceri…
e li quadri appinnuti a li pareti, rispecchianu, lu me diri ;
•
e sunu li quadri e li battuti di TOTO’ , e nun c’ è unni iri !
•
iè gentili cchè clienti e cucina ca iè nu piaciri
quannu la carni a sucu a fattu, ti fa arricriari.
cci fazzu li augurii ppi chiddu ca arrinnisciutu a criari….
e a nuddu lassa a disiari !
•
Dàmucci “ Lu Lasu “ a la muglieri ca lu collabora da tutti i lati
e a li figli e iennari, ca sunu gintili, cumu a lu patri.
Giovanni, ‘na bedda famiglia arrinnisciutu a criari….
e prigamu lu Signiruzzu ca a saluti va da dari.
- continua
•
Vi auguru a tutti voi, Patri, Matri, Figliu, Figlie, Iennari, e Discinnenza…
‘na bona vita, e prima di tuttu, china china di Pruvvidenza. -
•
Chista puisia aiu vulutu didicari
a ‘na pirsuna ca iè da ammirari
ppi tuttu lu so fari
puru ca iè di picca parlari
•
Ma li fatti parlanu cchiossà di li paroli…..
auguri a tutti voi, spicialmenti a la nuova proli.
E a ma inchiri nu panaru chinu di paroli
ca sunu preghieri ca si dunanu a lu Signuri ;
e ca cci possa pruteggiri a tutti li uri.
ccu sinceru affettu e rispittu.
Villarosa 26 maggio 2013 Fedele Di Francisca
