RUBRICA COSTUME E SOCIETA’ di Fedele Di Francisca
si avvicina lu Natali iu li augurii vugliu fari
ma li vugliu fari...
alla manera di Fedeli
'na puisia c'aiu iutu a priparari
ppi cu li dulura mi fa alleviari
ma di lu argumentu ca iti a vidìri
assai pirsuni si vanu a truvari
·
Lu titulu
iè : “ LI
RICORDI “
La
poesia la trovi
su facebook, pagina
“Le Poesie di Fedele” e
su blog
Si arricampà lu Fisiuterapista
iu iera fori
pista
veloci mi isà
la testa…
Lu fici ppi
daveru Lesta !
cci misi ‘na
certa forza
puru lu ma patri
“ Aviva ‘na
foorzaaa ! “
spaccava la ligna,
ca cci mittiva
lu cugnu…
E Guai a
ccu si cci
ancugna !
‘nti la festa
travagliava, e riposu
nenti…
ca aviva a
badari a tutti
li parenti
AH, quantu mìnnuli
ebbi a scacciari
e quantu ucciddata
sebbi a manciari
E quantu iera
bedda a riunioni
ddi tavulati e
dda confusioni
e l’allegria ca
succidiva
e la unioni
ca si faciva
à>>>>>> continua
1/3
Li caratteri
vinivanu plasmati
ccu tutti ddi
biddi sirati
vicinu a cunculina
assittati
quannu fora c’era
nivi e jilati
puru ccu lu jucu di
li carti
li carusi capivanu
li parti
si ‘mparava a
stari ‘nsocietà
e si crisciva
ccu assai onestà
E li cunti
ca cuntava lu
me nannu
ca ni ivamu
sempri appasssionannu
e li
festi accussì ivanu
passannu…
senza ca ni
ivamu addunannu
Lu ma patri faciva lu contadinu
purtava sempri chinu lu cuffinu
biletti, asparaci, mazzareddi e agli…
cicoria, carduna, e fungi senza sbagli
e lu pani di casa genuinu
lievitatu cco cruscenti do vicinu
pani, formaggiu e un po’ di vinu…
ni facivamu lu vuddicu chinu àcontinua
2/3
Li ricordi
antichi parinu sempri
cchiù biddi
ma tutti li
festi sunu sempri
chiddi
simu nuatri ca
cci damu nu
significatu differenti
e chisssu succedi
facilmenti …..
quannu s’a pirdutu
qualchi parenti.
auguriamu di passari
‘na festa gaudenti….
addivertirisi, e nun
pinsari a nenti.
l’urtimu pinsiri
va a lu
Signuri…..
ca cci possa
proteggiri a tutti
li uri.
bon Natali 2013
Fedele Di Francisca
Villarosa dicembre 2013
3/3
Nessun commento:
Posta un commento