RUBRICA CARMELO
D’ACCARDO
( Commento di
Fedele Di Francisca )
Siamo in
periodo di festa,
e ho pensato
di presentare la
poesia “Facimu Festa” “ Abballu in
massa”
Il poeta,
divertito, mette in
rima la descrizione
delle scene a
cui ha assistito,
quando tutti gli
invitati, in contemporanea, si
mettono a ballare. buon
divertimento ! cito: sentu un
gridu a na
picciotta
ca li
pedi cci scacciaru
ccu la
fudda ntra dda
frotta
senza essirci
riparu
La poesia
completa la trovi
su facebook “Villarosani
nel mondo” su
le “Le Poesie
di Fedele” e
su blog
FACIMU FESTA (ABBALLU IN MASSA)
Quantu è beddu stu festinu l’ alligrizza di la vita ccu chitarra e viulinu
danu spassu cca a la zita
l’ ammitati grida a
cori
ppi lu spusu e
ppi la spusa
ccu mudestia e dicoru
va ballati comu s’usa
gia lu zitu
e la so dama
nesci nchianu ntra la
stanza
mentri cc’è cu
grida e chiama
li carusi in radunanza
eccu ccà ogni picciliddu
ntra ddu menzu
si distacca
mentri u zitu a usu griddu
lu vintagliu cci arrisacca
cc’ è la zita
bedda assai
ccu la vesti
di biancu
nun si stanca mai
mai
d’ abbalarisi ddu tancu
cc’ è lu furbu sunaturi
pari veru fattu apposta
sona sempri ccu n’arduri
ca nun fa tanticchia sosta
zitu e zita gira nturnu
sutta l’ala di lu ventu
tutta bedda e
tutta biunnu
balla, sciala e
sta cuntentu
cc’è un picciottu e s’abilia
ca nun balla e
sta a l’addritta
mentri n’autru franzichia
ccu l’ucchiuzzu a manca
e dritta
comu speddi la sunata
la so giacca s’abbuttuna
duna un passu e
na ‘nclinata
fa a ccu scegli a la pultruna
ogni giovini d’aspettu
si va ntrunza
pi a ballari
nun pinzannu lu difettu
d’un putirisi arriminari
già la musica accumenza
senza tregua a l’armunia
lu ballanti la cadenza
fa la mossa e
po’ firria
sentu un gridu a
na picciotta
ca li pedi cci scacciaru
ccu la fudda ntra dda frotta
senza essirci riparu
cc’è ‘na coppia ‘nfuscata
ca ballannu a giru lestu
duna e sbatti ‘na
spaddata
di lassaricci lu sestu
ddocu guarda un sgradagliuni
ccu la facci un pocu
nfusca
mentri agghica
n’ammuttuni
da cascari
a usu musca
lu patruni di la casa
ntra dda chiurma si v’ammisca
ntra dda stanza rasa rasa
n’ammuttuni puru pisca
po si mitti a
lampiuni
ppi aggiustari la quatriglia
mentri acchiappa un sciddricuni
di spaccarisi li giglia
ma cchi modu dici è chistu
d’abballari tutti a chiurma
rimanennu comu a Cristu
misu ncruci dda pi furma
mentri pighia un carusazzu
ccu li modi e la manera
cadi nterra
e sbatti un vrazzu
ca trimau la cantunera
na sciuntino piccilidda
menzu a tuttu stu rumuri
di dda menzu si ni sgridda
ccu la facci a
tri culuri
nenti cchiù nun
si capisci
si è tancu o
è manzurca
cchiù l’abballu abbunna e crisci
cchiù si stringi dda la furca
ntra dda granni cumitiva
grida forti n’omu nzianu
fermi tutti e si ncurriva
con vò sentiri baccanu
permittiti iu mi mettu
na quatriglia a cumannari
ntutti casi mi
dimettu
s’un la sacciu cumannari
ma vi giuru
ppi l’armuzza
di me nannu e
di me nanna
si quarcunu abballa e truzza
iu lu mannu a
n’antra banna .
Carmelo D’ accardo
Nessun commento:
Posta un commento