RUBRICA D’ Accardo
QUARTO EPISODIO
4° EPISODIO
1
nun parla cchiù, Ariostu,
e ‘ntra l’ingressu
spunta lu pazzu orribili
Tarquatu
chiddu ca ‘ntra li dotti è puru
ammessu
2
e comu vidi a mia mortu ‘mpitratu
sbutta ‘nchiantu e resta
a
ffacci ‘nterra
e ccu Ariostu
parla e stà assinnatu
3
e dissi d’accussì,
siddu nun erra
chiddu ca penza la me testa appuntu
stu picciottu
sumiglia a la me sferra
4
iu mi ricordu
quannu fuiu iuntu
a cumpimentu
la Girusalemma
di la critica
fui pazzu e cunzuntu
5
ed iu di frunti a tuttu
stu
dilemma
quannu mi vitti avversa
la campagna
pazzu mi fici e tanta strataggemma
6
quannu scrivemu
ccu memoria
magna
li iardina
D’ermida a gran lavuru
perdilu d’accussì Cristu s’allagna
7
e ccu la fantasia
comu è sicuru
cu scriviri
putia Tangredi
e Arganti
tali battaglia
d’un pueta puru ?
8
ca si Ariostu
scrissi in versi tanti
li pupi discummattirsi
ccu l’ermu
lu libru ‘mprosa
già
l’avia
davanti
9
sippuru nun mi tinni tantu fermu
ca di la bili ivu a lu spitali
l’onuri mi curò lu cori ‘nfermu
10
ca ppi vuliri
di cu appi sali
e canusceru l’arti
mia sublimi
n’estis la purtaru
senza scali
11
tu caru Accardu scorda
li gastimi
di li nimici
tò, li sò difetti
ca granni
a
statu, e resti ‘ntra
li primi
12
penza che la bon’arma
di stecchetti
Giuseppi Giusti e Rapisardi Mariu
foru ‘mmanu
na vota a li scupetti
13
e Pascoli Giuvanni
lu primariu
di li pueti, di li tempi soi
puru campava
ccu la testa all’ariu
14
tu ppi sfurtuna
cci ‘ncappasti oi
ccu la musa ca troppu
ti turmenta
e nenti dicu cchiù, pirchì t’annoi
15
ora rispunnu iu, sutta frammenta
ppi chiudiri
e sfugarimi la vita
e lu gruppu
a lu cori con m’abbenta
16
e dicu a Tassu, l’ura è già finita
e lu strapazzu
di li me pinzera
la tanta mia virtù trista e smarrita
17
iu mi ‘ngannai, a vidiri la cera
tramutarisi comu cascavaddu
doppu tant’anni
vidirla singera
18
si cantai
na vota a usu gaddu
quannu codda la stidda e l’arba spacca
ora nun cantu cchiù pirchì mi ‘ncaddu
19
ca si quarchi
persuna ancora
attacca
a miu dispettu
fa quarchi
ciantona
di lu pettu la musa si distacca
l’estru si perdi e lu parnasu
stona.
Finita il 18 Dicembre 1949
Carmelo D’ Accardo
Nessun commento:
Posta un commento