Q UANNU IERA NICU
·
Chista Puisia,
ccu pochi versi
mirati
di tutta
‘na vita fa ‘na
carrellata
e ‘nti
tutta ‘sta ‘mpastata…
parla puru
di “ LA MINIERA
SEQUESTRATA “.
·
Quannu iu
iera nicu, aie
diri: “
ieramu nichi “ !
SI, pirchì
la me matri,
dui nni
aviva “ dichi “
,
duppu tridici
misi lu fratellinu
annascì……
accussì mi
arrivà la cumpagnì.
·
La ispirazioni
di chista puisia
mi la
fici veniri ‘na
fotografia
certi sceni spuntaru ‘nti la menti
mia
e scrivu ppi
mittili ‘nti la puisia
·
si tratta
di la “ pila”, unni li
robbi si lavavanu !
e di la
“ bagnera”, unni
li cristiani si
puliziavanu !
li timpi
chissi ieranu
bagni e
docci duppu lu
1960 spuntavanu
à continua
·
puru carenza
di acqua c’era
parivamu ‘nti
nautra era !
la duminica ccu
lu me frati
nni avivamu a
sciarriari
ppi cu
lu bagnu prima
si aviva a
fari !
·
sunu ricordi
ca iu aviva
cancellatu
ma ieranu
misi sulu
di latu
a
la vista di
la fotu…..
puru lu
jauru aiu sintutu
·
iè incredibili lu
timpu passatu
ma intantu
iè lu nostru
vissutu
a stentu
ni scansammu la
guerra…..
ma lu
popolu iera propriu
‘nterra
·
duppu arrivaru
li anni sissanta
arrivaru ccu
tutta la so’
vampa
ni ‘mparammu
tutti cumu si
campa……
e arrivammu
a li anni
ottanta
à continua
·
Di tannu
ca iamu, nnarrì,
nnarrì, cumu o
curdaru
pirchì li
sordi, tutti si
li mangiaru
puru la
SICILIA si vinnìru
e duppu
si nni scappàru
·
LU CENTRU
SICILIA addivintà un
munnizzaru
sulu ora, la
miniera, sequestraru,
sulu ora,
la bonifica, programmaru
ma LI
GENTI oramai
SI AMMALARU
·
si tratta
di malatì neurologichi
ppi chissu
li scelti anu
statu illogichi
na popolazioni
sacrificata a lu
progressu…..
e lu
dici unu ca
addivintatu “ duru “ cumu
a lu gessu !
·
Allura, chiddu
ca mi tocca
pinsari,
quannu lu
bagnettu ‘nti la
bagnera, iva a
fari
ma l’aria
ca si iva
a respirari….
iera tutta
saluti, ca si
iva a pigliari
Villarosa aprile
2014
Fedele
Di Francisca
Nessun commento:
Posta un commento