LA PRIMA PASQUA CA PASSAI A LU BERGIU

 

RUBRICA   Carmelo  D’ Accardo

(a cura   di  Fedele  Di Francisca)

Possiamo  solo  immaginare   quello   che   ha   provato   il   poeta,  quando  è  rimasto   solo,  in  terra   straniera, il   giorno  di   Pasqua. 

LA   PRIMA   PASQUA    CA   PASSAI   A   LU   BERGIU

Sonetto

Oggi è Pasqua ed iu misu a n’agnuni

‘ntornu a na massaria, dura e nuccenti

comu fussi un principiu di luni

scarsu d’amici e privu d’un parenti

Cristu è risortu ed iu dintra un vadduni

attentu a l’occhi, a pecuri e iumenti

stivala a coscia e in manu lu vastuni

sugnu ‘mpiegatu e un pozzu diri nenti

lu principali, ccu la sò signura

di la chiesa vinivanu a braccettu

ccu li tempuli, fora la misura

ca iu stissu, guardannucci l’aspettu

a sti farsi divoti, di natura

m’offrì un rigalu e mancu cci l’accettu.

     

            CARMELO    D’ACCARDO