LU TIRRIMOTU
A LU BERGIU
1
Era di notti e
stavu a sonnu ‘nchinu
in dormi viglia misu
a panza a
l’aria
comu fussi luntanu a lu distinu
sentu vuci di
genti fora urariu
e sbalurdutu mi vutai
lu schinu
ca stu discursu fù ‘ntra
un variu e
sbariu
vitti la morti a
starimi vicinu…
sbraccu li gammi e
cadu a gammall’ariu
2
parsi un ‘mriacu, ca si avia vivutu
quantu pussedi di vinu
‘na vutti
curpa di lu diavulu curnutu
ca spissi voti fa
lu
‘ncannu a tutti
e chiamu a
Santu Antoniu ppi aiutu
‘nta ddu momentu quasi a
gammi rrutti
Santu Antoniu miu vi fazzu un vutu
scanzarimi a sti peni a rincu a
tutti
3
notti di friddu,
misi a la scuperta
vecchi e picciotti,
granni e picciriddi
nuddu a la vita sò
l’avia cchiù certa
sutta la morti carrica di stiddi
cu si purtava apprressu na
cuperta
cu cci arrizzaru ‘nzina li capiddi
cu chianciva e ristava
a vucca aperta
senza spiranza di turnari n’iddi
4
mai e poi mai, dicu in
vita mia
di vidiri na vota
un tirrimotu
comu e di virità nun
è bugia
ca cci nn’è tanti
cridiri nun potu
‘ntantu è virità, Diu mi castia
si cci ni iunciu mi
vinissi un motu
ca aiu la testa
ca mi furmichia
di vidiri sti danni
ca mi scotu
5
Gesù, Maria, Giuseppi o patri
granni
scanzati li flagelli di stu munnu
binidiciti li patri e
li nanni
e tutti li nnuccenti ca cci sunnu
e ddi matri ca chiancinu
li danni
senza spiranza di cu resta affunnu
senza riparu sparsi a tanti
banni
pietà Signuri miu ca mi cunfunnu
6
quantu cci nn’è mischini
senza tettu
ca passari un ci po’ neppuru un gattu
fù lu distinu, oppuru Maumettu
lassari stu scumpigliu e stu misfattu
ca mancu un cimiteru
‘ntra l’aspettu
parissi accussì bruttu e malu fattu
quali doglia cu avi cori ‘mpettu
mentri ca campa aviri stu ritrattu.
Carmelo D’Accardo
Nessun commento:
Posta un commento