I CIUZI

I  CIUZI

Nun  iè  a  prima  vota

ca ‘nti  internet  viu   ‘na fotu

e  tuttu  ‘na  vota, cumu ogni  vota

lu  me cirividdu si  mitti  ‘mmotu

‘nta  stasciuni,  partinnu do 1964  finu a lu 1968

stannu  o  suli  si  faciva  u  bottu

ppi  aviri   nu  pocu  di  frescura

‘ncampagna  cci  avissi  statu  l’aria  pura

 schirzannu,  ni  ‘mpicicammu   studenti “ 5-S “ ,CON UN HOBBY

” Simu   Studenti   Sempri    Senza   Sordi “

e,  a  pedi,  facivamu  iri  e  viniri  ppo   Cursu  Garibaldi

Tantu,  unni  ivamu  senza  sordi “  ?

Tutti  li  jorna,  ni  vidivamu  cco  me  amicu  Cesarinu

iu,  nni  aviva  dui  amici,   di  nomi  Cesarinu

e  staiu   parlannu  di  chiddu  ca  la  so   matri,  aviva  u  tabacchinu

e  dumani,  na  ma  susiri  di  primu  matinu

La  jurnata  passata  cco  me  amicu  Cesarinu

mi  la ricordu  ancora  ccu  lu  cori  chinu

sunu  momenti indimendicabili

ca  restanu  incancellabili

Lu  scopu  iera  chiddu  di  iri  a  cogliri  li  ciuzi

ma  la  campagna  iera  luntana   5 kilometri

a  la  iuta   arrivammu   ccu  la  friscura

lu  prubema    annascì   a  lu  ritornu, cchi  iera  già  ura   ?

n’ orologiu,  nemmeno lu pussidivamu

ma lu puntiddu  da  littra l’avivamu  !

pigliammu  ‘na  bacchetta  e  la  chiantammu  ‘nterra

e  ni  signaliammu    l’ummira

accussì   seppimu   si   ieravamu   prima  o  duppu  mansiurnu

ca  all’una  passava lu postali, e putiri  fari  ritornu

E  ACCUSSì   un  panàru  di  ciuzi  

a  la  me   matri  ci  avivamu   purtatu

ca   aviva  assai  ca   li  aviva  disiatu

e  ccu  chistu    versu  …… lu puema   iè  finutu.

                               27 giugno 2015         Fedele  Di  Francisca