RUBRICA
CARMELO D’ ACCARDO
( a cura
di Fedele Di
Francisca )
Questa settimana
il Poeta, fa
due dediche, la
prima, con la
poesia “LU PREDICATURI”, fa
una riflessione sui
Predicatori. La seconda
poesia “CANTO
A UN GRANDE
POETA” è un
omaggio in onore di
un grande poeta
Cubano, che ha
avuto l’ occasione di
conoscere, e per
la sincera e
profonda amicizia che
nacque.
Le poesie
le trovi su
Villarosani nel mondo,
Le Poesie di
Fedele, e su blog
L U P R I D I C A T U R I
‘ntra la casa
di DIU, nostru
Signuri
ca accogli a tutti,
ricchi e puvireddi
ppi sentiri la vuci
d’un pasturi
pirchì vulissi, ca l’infamia speddi
e si mitti a
lu purpitu dui uri
ccu ddi duci palori,
chiari e beddi
comu è di
usu, lu pridicaturi
ca n’avi tanti, chiarchiari e marreddi
certi voti fa chianciri li genti
di comu si
fa afflittu e piatusu
tuttu vutatu, ccu l’onnipotenti
ma quannu scinni e parla
d’autru usu
speddi la pietà,
campa cuntenti
cerca dinari, e si li porta susu.
Carmelo D’ Accardo
CANTO AL GRANDE POETA CUBANO ARMANDY GODOY
( CHE MI ONORO’
DELLA SUA AMICIZIA)
Oggi tuttu lu munnu
è misu in
festa
ppi laudari a stu famusu artista
ca di ‘nzoccu apprisenta e manifesta
mentri ca campa, bona fama acquista
la Musa imperatrici
già si presta
e li so pregi si li metti in vista
e cci ‘ncuruna addauru ni la testa
pirchì è un gran Pueta
Musicista
2
Armandy Godoy nomu riccu
e santu appassionatu
a la suprema liggi
ppi rinnuvari chiddu eternu chiantu
di lu tò statu, sbarcasti a Parigi
ed iu pueta, ti fazzu stu
vantu
ca restu spantu, di li toi prodigi
l’amuri ca risentu a lu tò cantu
tuttu lu cori
miu, tuttu lu
sigi
3
lu cantu di li cantici riluci
chissa è la strata di lu veru amuri
ca porta a
l’omu davanti a la cruci
a gridari pietati! O miu Signuri
pietà! Pietà! Pietà! Ccu forti
vuci
misericordia! Oh Diu! Sugnu in
erruri
e Diu lu scanza d’ogni
mali atruci
che onnipotenti e nun guarda rancuri
4
lu spiritu di ‘ncelu,
onnipotenti
ti benedici, chissi versi toi
pirchì t’ascuta, ti vidi
e ti senti
e li graziii
sò, ti manna
e proi
tu virtuosu ed omu diligenti
campi tranquillu, ccu li grazii soi
e dunca, mentri Cristu t’accunzenti
dumannaccinni cchiù di quantu poi
5
oh! Diu di li celi, ascuta, ascuta
chiddu c’affattu, stu omu
biatu
ca ‘nzutta ‘nzutta, a la surda e la muta
scrissi la pena, di lu tò passatu
ora ogni pirsuna
è già pintuta
di chiddu malu
amuri ca ci a statu
c’ognunu ccu la menti arrisurvuta
leggi ddu libbru, e lassa
lu piccatu
6
mi votu l’occhi ‘nzusu, e gridu
amuri
amuri eternu, cun si po’ scurdari
pinzamu di Gesù
ddu gran duluri
la vampa accrisci e nun si po’ astutari
e Tu puetu, ccu
fidi ed arduri
tutti scrivisti, e putisti sfugari
ccu paruleddi giusti, santi e
puri
facisti un mari, di lagrimi amari
7
ssu mari ca
facisti, abbatti l’unni
e grida senza
ventu, a tanti banni
batti e ribuffa,
e poi l’ecu arrispunni
‘nfuria
sempri,curri, ‘ntona e spanni
li navi tinti,
spunnanu profunni
la giusta navi,
nica, si fa granni
‘ncalla
supr’acqua, fila, e un si cunfunni
sutta la guida,
di li toi cumanni
8
e tu ‘ntra un munnu
di amici e pueti
ciurisci ‘ntra lu
menzu, comu un gigliu
ca a rincu a
rincu, ccu li senzii aleti
cu t’adura di
patri, e ccu di figliu
t’aduranu vicarii
e frati e preti
e su divisi e
stanu a migliu a migliu
ca comu
l’agnidduzzi manzueti
stanu a la scorta,
di lu to cunzigliu
9
t’aduranu li
tristi, e chiddi saggi
li scriditati, e
genti di galera
t’aduranu, li
cchiù tinti marvaggi
ca l’abunisti,
ccu la tò manera
tu li cunverti, e
mai li scuraggi
e nuddu cchiù ccu
tia si cangia cera
viva ti gridu! E accett’ami
st’omagi
ca meriti di
cchiù, arma sincera
10
scusa o puetu, si
siccanti sugnu
o si giustu stu
vantu un lu cuncegnu
mi smaniu, e mi
mittu dintra a un pugnu
ca forsi a giustu
limmitu un mi tegnu
tu mi dirai –
Accardu – iu ti perdugnu
ca capisci ca aiu
pocu incegnu
pacenzia – chistu
aiu – e chistu dugnu
ppi anurarimi di
tia, ‘ntra lu me regnu
11
iu mi n’anuru –
Si – iu mi n’anuru
di la tò scienza
– ca un finisci mai
di lu paisi miu,
cc’è anchi puru
Disimuni, ca
t’ama puru assai
Di Disimuni, ni starai
sicuru
ca di la terra,
ti li porta a li Rai
pirchì troppu
apprizzò , lu tò lavuru
chiddu ca a fattu
e chiddu ca farai
12
Vicenzu Desimuni,
gran dutturi
e gran Pueta
nobili e supremu
apprizzannu, di
tia lu tò valuri
t’ascrittu
quarchi articulu mudernu
si po’ chiamari,
lu tò cunfissuri
ca sapi lu tò
cori, ‘nternu e sternu
iddu ti stima, e
tu cci porti amuri
e ccu la stissa
fama stati in pernu
13
Desimuni
cattolicu puetu
stima di cori, la
fidi cristiana
e ccu lu senziu
so, sempri cuietu
abbrazzatu ccu
tia, a li celi acchiana
cori ccu cori, vi
faciti letu
vucca ccu vucca,
cantati di gana
e Diu vi teni,
‘ntra lu stessu cetu
ca l’amicizia –
va cchiù di li grana
Il presente
poemetto fu pubblicato intorno al 1935 sulla rivista italiana di letteratura dialettale,
a cura di Vincenzo Desimone in omaggio al poeta
cubano Armando Godoy durante una sua visita in Italia.
Godoy era un
poeta noto anche in Italia ed i suoi versi furono in gran parte tradotti in
lingua ed in dialetto dal grande poeta Vincenzo De Simone.
Carmelo D’Accardo
Bella assai chidda do predicaturi augurusu
RispondiElimina