Le Poesie di Fedele: febbraio 2014

giovedì 27 febbraio 2014

"UNO DI NOI"

UNO DI NOI

Mentri ca si vota o Senatu ppi Matteo Renzi

a televisioni fanu lu maistru Alberto Manzi

tuttu e dui sunu di ammirari

spirannu ca a Renzi nun lu iettanu a mari

Manzi arrinnisciuttu ppi lu sò intentu

speriamu ca qualcunu nun dici: “mi nni pentu”

cu iavi “ idei innovativi “ veni ostacolatu….

e si tenta sempri di mittilu di latu

Siddu lu risultatu a camera iè scontatu

o Senato iè Stentatu

ma lu paisi iavi di bisugnu di essiri alimentatu

iè indispensabili a fiducia a lu Senatu.

ccu Bruno Vespa, sta accuminciannu “ Porta a Porta “

vidimu cchi nuvità apporta

ma a stanchizza mi fa chiudiri la porta…

vaiu a curcarimi, ma non pirchì nun mi importa

ore 6 di matina

mancu lu timpu di tirari la catina

addumu a televisioni, scantatu scantatu…

ppi iri a vidiri lu risultatu

lu Senatu a appruvatu

Lu Premier, ironizzannu, aviva dittu “ Non ho l’età”

ammeci a dimustratu assai maturità

a parlatu a bracciu e non costruitu…

dducu si vidi ca iè determinatu

LU pueta fa li augurii, ccu tuttu lu jatu

nu compitu arduo lu Paisi ccià datu

a posta in giocu iè troppu gauta…..

li augurii li fazzu ancoa cchiù gauti

iè sinceru, e mai iè statu reo…..

ora e in avanti lu chiameremu... “DON MATTEO”

27 / 02 / 2014 Fedele Di Francisca

lunedì 24 febbraio 2014

LU SFACINNATU - A FRATILLANZA

RUBRICA CARMELO D’ACCARDO

( a cura di Fedele Di Francisca )

Con queste due piccole poesie il poeta vuole soltanto

descrivere alcune modalità di comportamento in società,

sia in pubblico ( a chiazza ) sia in privato ( famiglia ) i titoli:

1) LU SFACINNATU 2) A FRATILLANZA

LU S F A C I N N A T U

La pipa mmucca, a n’anculu di chiazza

discurri la so scena, di la vita

vita ppi accussì ddiri, vita pazza

comu ppi d’iddu, e l’autra partita

e parla, parla, ppi fari sputazza

dicennu c’ogni cosa è già finita

e cchi l’umanità tutta s’ammazza

ppi guadagnari un pocu di munita

la mala vuluntà di l’omu arriva

ca pigliannu la petra a lu lavari

di circari travagliu sinni priva

e la chiazza diventa un largu mari

di genti, ca vannia la sarda viva

senza ca nuddu si nni va a piscari.

A F R A T I L L A N ZA

Fratillanza! Ca gridi – fratillanza

lu gridu ccu lu cori ? O ccu la vucca

ogn’omu penza sulu a la sò panza

e sulu ppi la sò, tuttu s’ammucca

e tanti ca malati di gnuranza

di la sò gorgia, chistu gridu sbucca

evviva! evviva! a rocchia e a radunanza

ma ‘nsegretu, si paranu la cucca

evviva! ancora tutti riuniti

cunzimili, ad una massa di surdati

ma iu rispunnu a tutti – cci criditi?

di quantu fami cc’è a li strati strati

unni si perdi l’acqua – lu sapiti?

‘ntra li isterni, di li stessi frati.

Carmelo D’Accardo

sabato 22 febbraio 2014

U PIRRIATURI

Al Festival di SANREMO la cantante

Antonella Ruggiero ha interpretato

magnificamente una canzone che

parlava di un minatore

che non vedeva MAI il SOLE.

L’ autore della poesia “U PIRRIATURI”

è un emigrante di nome Allegra Salvatore,

che ha vissuto in prima persona tale

dramma.

U Pirriaturi di Allegra Salvatore

(traduzione di Fedele Di Francisca )

** Un jurnu, nun vulinnu

mi dicidiu di lassari L’Italia

e di iriminni a lu Bergiu.

siddu prima stava mali,

ora staiu peggiu !

** e ora vi cuntu lu pirchì :

** Lu nustru travagliu

iè accussì malu sanu

ca iè la ruvina

di ogni essiri umanu

** simu privi

di libirtà ;

arridducimu

‘nti li cuntizioni…

di fari pietà

** Quannu li matini

arrivu ‘nti lu cantiri,

grapu lu stipu

e cci mittu

lu me vistitu.

** Assumu l’aspettu

di nu banditu

tuttu mascariatu

di carbuni

** pigliu la lampa

chinu di raggia

e fazzu a fila

ppi acchianar ‘nti la gaggia

** ca ‘nti tri minuti

mi scinni giù

e lu Suli, Stralucenti

ppi mì, nun Luccichia cchiù

poesia di….. Allegra Salvatore

traduzione di….. Fedele Di Francisca

Villarosa 15 maggio ‘13

mercoledì 19 febbraio 2014

DE QUATTRU E CINQU, DI 'MPASTA'

DE QUATTRU E CINQU, DI ‘MPASTA’

Quannu iu iera picciriddu

satava cumu un griddu

‘nti li strati c’era lu vuciu

‘nsimi a lu cinquettiu

tuttu ‘na vota si sintiva na vanniata

Cammarata, “De quattru e cunqu di ‘mpastata”

esistiva un furniddu ‘nti ogni strata

unni si faciva la ‘nfurnata

vidi li sacrifici ca si facivanu

si susiva la me matri, ca li 3 ieranu

ppi ascutari l’ordini ricevutu

pirchì lu pani addivintava cunchiutu

Si aviva a fari lu turnu

ppi mittiri lu pani ‘nti lu furnu

la furnara ccu lu fazzulettu ‘ntesta

nun putiva fari cchiù lesta

cci vuliva lu timpiciddu

pirchì lu furnu iera picciddu

ma quannu nisciva di lu furniddu

viniva la fami a taliari a diddu

manciatu friscu iera speciali

ca di mmucca nun si putiva livari

ma l’indomani lu ivatu a manciari

ancora cchiossà si iva a gustari

Lu pani durava tri, quattro jorna

e si ripitiva la scena quannu agghiorna.

Esistiva puru “lu pani accattatu”

ca ppi gustu, si mittiva di latu

oggi di chistu pani ni resta lu parlatu

ormai apparteni a lu timpu passatu

facimu sulu lu ricordatu

nun arricrierà cchiù lu nostru palatu

Villarosa 18 febbraio 2014.

Fedele Di Francisca

domenica 16 febbraio 2014

LI CARRETTI E LU SCECCU DI MO' MO'

LI CARRETTI E LU SCECCU DI MO’ MO’

Quannu lu surfaru si produciva

Villarosa 12.000 abitanti faciva

lu commerciu funzionava

lu paisi migliorava

duppu accuminciaru a chiudiri li minieri

la genti accumincià a emigrari,

‘nti lu 1910 ieramu Semindustrializzati

virsu lu 1960 addivintammu Semiavviddanati

ma ‘mprovvisamenti Villarosa si adduviglià

e la costruzioni di l’autostrata arrivà !

Ancora c’eranu li carretti e lu sceccu di mo’ mo’

nu Calabrisi dissi : “Ma chi iè tuttu ‘stu sciò” ?

vinni, ccu napucu di camiu, rimorchiu, e autoarticolatu

quannu passavanu ‘nto cursu, a genti si mittiva di latu.

CCU lu arrivu di ‘stu Calabrisi

arrivà ‘sta nuvità ‘nto paisi

‘nti ‘stu periudu, a genti si rimudirnò, ccu tuttu lu jatu

ma ccu li usanzi tradiziunali misi di latu

a prima fimmina trasì ‘nto barri… e finì lu parlatu

Li fimmini ragiunaru cca sò testa, e cci fù progressu ‘mbrugliatu.

nun si capiva cchiù nenti

si sgritolò a sucietà, timpu nenti

minigonni SI, vistini lunghi nenti

progressu generali, irreversibilmenti

ccu tuttu ‘stu progressu generali………

Li cosi, ppi lu Calabrisi, ivanu nenti mali.

Tutta ‘na vota, eccu ca successi, ‘ncidenti stradali

Ci furu ranni guai, quannu vicinu ‘na Stazioni…

dui autoarticolati si nni iru ’nti la rottamazioni

Forsi successi ca ci fù n’errori di valutazioni

potti succediri n’errori di approssimazioni

o forsi li cosi avivanu a iri d’ accussì a un certu puntu, li cosi iru…. narrì, narrì

e d’accusssì capitò puru a mì

ora abitamu susu e iusu

ca ni scambiamu li augurii, cumu iè in usu

‘nti la festa e accuntintarini di chiddu ca resta.

A PENSIONI, Nun vasta cchiù, ppi campari e nuautri simu, ccà a disiari

PACINZIA, vo diri ca aviva a iri d’ accussì

e….. chiddu ca voli DI’ .

ccu affettu e stima

11/10/2012 Fedele Di Francisca

giovedì 13 febbraio 2014

brindisi tra cumpari - lu furmentu - vurria sapiri ( di D' Accardo)

BRINDISI TRA CUMPARI

Cumpari Peppi a cumpari Turiddu

Vivitivi stu vinu, finu e beddu

si vuliti campari miatiddu

nun vi scurdati mai, lu ciaschiteddu

iu mi l’abbrazzu, comu un picciliddu

e nun lu lassu mai urfaneddu

‘nzina ca dormu, sempri pensu a d’iddu

sciatu cci dicu, dammi un vasuneddu

risposta vui cci diciti, sciatu, ed iu trisoru

ca aiu un ciascu, quantu na quartara

e ppi l’amuri sò, mi spinnu e moru

perciò cumpari miu, simu a la para

nenti mi ‘mporta, siddu unn’aiu soru

o frati, o figli, o focu a la carcara

ma avennu a d’iddu, aiu lu ristoru

ca mi quatela, senza scappulara.

LU FURMENTU

Binidittu cu fici lu furmentu

pani e sustegnu di li cristiani

scuttatu ccu la forza, amuri e stentu

nun c’è pirsuna ca nun cerca pani

Iddiu lu fici, ppi nostru alimentu

binidiciutu, a li so propia mani

senza ittarlu, a l’ariu e lu ventu

puru ca bisugnassi, a gatti e cani

poi ci desi un lumi a lu viddanu

ca lu sapi eccellenti curtivari

‘nzina ca meti, pisa e si fa granu

ca palora un si trova, d’apprizzari

la gloria in Diu, a tutti cchiù supranu

ppi chistu pani, ca un ci fa mancari.

VURRIA SAPIRI

Vurria sapiri, stu munnuzzu vili

cchiù tempu passa e cchiù tristu addiventa

ca nun c’è unu ca nun si lamenta

di quanti cci nn’è tanti peni e abili

mancu la rosa e l’adurusa amenta

nun fa cchiù oduri, quannu trasi Aprili

ca lu clima è cangiatu, pernu e stili

e li grasti l’ammorba e li turmenta

tuttu è cangiatu, nun c’è cchiù puduri

di chiddu ch’era un veru cittadinu

nun sacciu comu fù, persi l’onuri

persi l’amuri, di lu sò iardinu

cci ha richiantatu odiu e tirruri

ccu l’aspetto perfettu di pasquinu.

Carmelo D’Accardo.

lunedì 10 febbraio 2014

DEDICATA A ISORA TAGLIAVINI

Isora Tagliavini

Aiu canusciutu a Isora Tagliavini

ca pruviene di famiglia di contadini

AH, quanti jucati facisti cche puddicini

e quanti mizzicuna ti davanu li gaddini

Ma a tì, ti piaciva curriri ‘nti li prati

ca su facebook ispiri li poeti

su facebook crei sempri ‘na emozioni

ca fa veniri lu impulsu di l’ispirazioni

cchi iera bedda dda vita di contadina

ccu l’0va frischi sursati ogni matina

ddu pani ‘mpastatu cca farina

cco cruscenti ‘mpastatu u jurnu prima

Lu me patri e la me matri furu puru a lu Bergiu

innusinni a estrarri lu carbuni greggiu

ppi darini a nuautri n’avveniri cchiu liggiu

truvaru travagliu ca nun c’era di piggiu

di la vita privata nni sacciu picca e nenti

ppi chissu nun puzzu diri nenti

forsi iavi qualchi figliu o figlia

forsi ogni tantu abbili si nni piglia

‘na vota dissi ca la vita la forgiata

ma ora fa ‘na vita cchiù agiata

si d’accussì nun fussi

mancu lu timpu avissi

di ascutari tutti ‘sti missi

pirchì a travagliari si nni issi

iè sempri disponibili ppi li amici

nun mi puzzu scurdari lu favuri ca mi fici

‘na bedda puisia mi mannà ppi Natali

li carusi a scola la iru a recitari

Grazii ppi li biddi paroli, ca mi dai coraggiu

iu di chista puisia ti ni rinnu omaggiu

ccu rispittu

5 febbraio 2014 Fedele Di Francisca

sabato 8 febbraio 2014

LU PARRINU, U 'NFIRMIRI, A BICICLETTA

RUBRICA COSTUME E SOCIETA’

di Fedele Di Francisca

U PARRINU, U ‘NFIRMIRI, E A BICICLETTA, chistu iè lu titulu ca iu vulissi dari , ammeci sunu dui puisii indipendenti, li personaggi ianu a stessa ranni passioni : a bicicletta. li titoli:

· Don Salvatore (Parroco Chiesa Immacolata Concezione) ;

· U ‘nfirmiri Peppi (in servizio a Enna)

DON SALVATORE

( Chiesa Immacolata concezione .Villarosa )

‘nti la cchianata di la stazioni

‘ncuntrammu ‘na situazioni .

‘ncapu ‘na bicicletta da corsa

c’ era ‘na pirsuna ‘ncorsa !

Pantaluni curti neri in pista

maglietta nera/azzurra da interista

nun iera un turista,

ma iera un corista

‘nti la machina c’era la me cugnata

ca a canusciutu la pirsuna data

iè Don Salvatore chissu ppi strata…

lestu, lestu, fici ‘na scrivuta

Mi vinni d’ istintu ‘sta pinsata !

pirchi’ puru IU faciva a pidalata

mi faciva Villarosa/Enna, tutta di muntata

sulu si cc’ era ‘na bedda jurnata

Ammeci a Lei l’ anu vistu l’autra vota,

a Enna Bassa amminsu ‘na chiuvuta

sicuramenti a turnatu assammaratu

menu mali ca nun s’a raffreddatu

ma però iè bellu girari ccu la bici

ca duna un sollievu liberatrici

quannu si arriva si iè stanchi, ma felici

e veni voglia di mittirisi arrì, ‘ncapu la bici.

la passioni mi durà ‘n’ estati intera

ma duppu lu pinsiri i,’ ‘nti la carriera

beatu Lei ca tuttora si abbuttuna la cerniera

senza scurdarisi, di diri a missa, unni iera

Lei iè nu Parrinu, ppi daveru ‘ngamba

ca sapi diri a li pirsuni cumu si campa

sapi attirari la genti ‘nti la rampa….

a la parrocchia stava fininnu la so vampa.

A lei lu miritu ca a saputu svegliari li cuscienzi

ppi chissu si mirita assai riverenzi

Auguri a Lei, ccu lu aiutu di lu Signuri…

di beni evangelizzari a tutti li uri.

ccu stima

Fedele Di Francisca

Villarosa 10/04/2013

LU ‘NFIRMIRI PEPPI

Aiu studiatu tutti li cosi agrari, ma nun iera cosa mia

nun sapiva cchi fari, finu a quannu fuiu ricoveratu in infermeria

mi vinni la ispirazioni di mittirimi a studiari senza apatia…

eccu ca addivintaiu ‘nfirmiri, ca iè la passioini mia

iu, lu aviva nutatu ca travagliava ccu assai voglia

lu malatu si senti cunfurtatu, si veni curatu ccu tanta voglia

a bastatu ca cci dicissi di unni iè Lei, di MAZZARINU

mi dissi lu canùsci a Don Salvatore, lu parrinu?

lu 16 giugnu, fummu a Nicosia, ‘nti ‘na gara di ciclismu

iè bellu ‘ncuntrarisi, puru ca iè a livellu di dilettantismu !

ppi pidalari, nun c’è bisugnu di essiri professionisti

basta mittiri li bici ‘nti li pisti

L’ autra passioni iè la famiglia

ca timpu e sordi si nni piglia

già zita cci l’ aiu ‘na figlia

l’autra iè piccidda e ancora nun si nni piglia

ni canuscimmu a la chiazza,

unni la genti si sguazza

mentri ballavamu la quadriglia

e di accussì ficimu la pariglia

‘nti ‘na festa, e iera accussì bedda

parlu di la muglieri mia ca iè bedda

allura cunsammu la guardedda

e lestu ni priparammu li anedda

Chista iè la me vita ‘mpiattata

a lu Pueta cci aiu fattu passari ‘na rancata

ma IU felici sugnu quannu puesie scrivu…..

ca li scrivu ccu passioni e no ppi currivu

Augurii ppi ‘na bona vita a tutta la famiglia

puru ca sulu lu ‘nfirmiri Peppi si li piglia.

CCU rispittu

Fedele Di Francisca