* Lu amuri ca iavi ppi Villarosa iè indescrivibili
si nni ì , 'nte primi anni 70, ma li ricordi sunu incancellabili
aviva la officina, propriu nti lu centru storicu, vicinu a chiazza
canusciva a tutti, n' amicu và, n' amicu veni, e n' autru ni rimpiazza
* Anu passatu 40 anni, ma a Diddu, cci parinu quattru jorna
scummatti a tutti, sempri, da quannu scura a quannu agghiorna
iavi a bona, bona parola ppi tutti, e ccu internet si aggiorna
e si ti nni và, a la chiazza, vicinu lu Dr. Gencu lu truvi tutti li iorna
* in cuntattu simu ccu inernet e ci parlu perfinu do bergiu
ma si nisciu, e vaiu a la chiazza, attruvu a Lillu, liggiu liggiu
si mi veni 'ntesta di iri a vutari, 'nti lu currituri, a Lillu aie salutari
e si vaiu a la chiazza 'nti lu varbiri, lu passaggiu d'intra ma da dari
* IE' amiciunariu e tridicinu ammisca ammisca
di quantu parla, quannu speddi, unu si arrifrisca
ma a mi', mi piacinu li pirsuna cca parlantina
cumu a me mugliera, ca mi parla da sira a la matina
* Nu biddu giuvinottu iera quannu iera carusu
iè sempri biddu ora ca nun iè cchiù carusu
iè sempri allegru e duna cunsigli ppi l' usu
e cu si offenni, tantu, si va curca di iusu
* Sugnu cuntenti di la famiglia ca aiu criatu
e puru ppi lu avveniri ca cci aiu datu
IU puru sugnu cuntentu di 'stu amicu ritruvatu
e cci auguru 'na bedda vita in saluti, ca a lu signuri a ma fari pregatu.
* Aiu vulutu scriviri 'sti dui righi di puisia
in omaggiu a la sò gentilezza e simpatia
Villarosa 5/11/2012 Fedele Di Francisca
Nessun commento:
Posta un commento