* Nu jurnu prima di lu Ferragustu, ca iè festa
si vosi gudìri lu 15 agustu, e a fici LESTA
puru ca mancu settiminu iera, annascì veloci
e si misi a chianciri a gran voci.
* Gridannu, gridannu, vosi campari ppi forza
cumu nu Liuni, a luttatu, ccu tutta la sò forza
oggi fa 29 anni, e iè in forzi....
puru ca a statu operatu, 'nti li misi scorsi
* A travagliatu ppi assai timpu, 'nti nu magazzinu
puru a lu pueta a aiutatu, di chinu
ma lestu lu chiamavanu Giacuminu .....
iamuninni, ca avimu lu furguni chinu
* A iutu puru a la scola alberghiera
ma lestu si nni turnà unni iera
ora va , da tri anni, a lu Oratoriu, di jurnata
ma vugliu cuntari quannu va a fari a pidalata
* Pari nu atleta, ca pari Nuvolari
la borsa frigu cci a na purtari
masinnò Diddu, mancu ti va a considerari
e si nni stà tranquillu a ripusari
* La Duminica iè 'na jurnata speciali
tri chisi si nni va a visitari
fa lu chirichettu, ppi li Parrini aiutari
e Diddu iè felici ppi tuttu 'stu cchi fari
* Ma la cosa cchiù bedda, ca lu fa arricriari
iè quannu si nni va a Montagna Gebbia ppi pregari e ripusari
e 'nti la piscina si va ietta
migliu di iri in bicicletta
* ppi mangiari, nun a da fari sbagliu
nun mangia cucuzzi, cipuddi, acitu e agliu
'na vota 'nti la pizzeria si assittà
tra lu Parrinu e Annalisa capità
* tutti e dui, li pizzi ccu cipuddi e agliu avivanu pigliatu
e Diddu cridiva ca lu jaguru, di lu sò piattu avissi arrivatu
" Mannaggia, mi fa mali lu denti e nun puzzu mangiari "
ma la pizza cca nutella si la ì ammuccari
* cchi cci fù 'na guarigioni miracolosa improvvisa ?
* Ringraziu li Salesiani ca mi vanu a ospitari
e IU, ppi Diddi vaiu a pregari
e ringraziamu lu Signuri ca simu a mangiari.....
e ppi lu compliannu ca stamu innu a brindari
* Chista Puisia la suru cci la vuluta didicari
e lu Pueta si associa ccu tuttu lu cori.
Auguri da Fedele Di Francisca Villarosa 14 08 2013
Nessun commento:
Posta un commento