ROMA SECONDO TEMPO

ROMA, SECONDO TEMPO

Quannu  iera  nicu

iu  aviva  ‘na dica

a  li  6  di  matina  mi  svegliava

a  serviri  la  missa  mi  nni  iva

Abitavamu  vcinu  la  Cuncizioni

e  m  viniva facili  chista  operazioni

di  li  parrina  si  seguivanu  li  indicazioni

e  mi  viniva  di  fari   la  comunioni

Aiu  accuminciatu  cuntannu  ‘sta  situazioni

ca  vulissi  sapiri  si  ddi  Latri  di  Roma,  si  piglianu  a  comunioni !

duppu  ca  sanu  ‘ntascatu  li  tagenti…

nun  pinsu  ca  vanu  a  Chisa,  ‘nnoccentementi  !

A   Roma,  cci  a  statu  la  secunna ondata   di arresti

e  spiramu  ca  la  finissiru  di  fari  i  disonesti

iu  già  l’aviva  scrittu  ‘na  uisia  ppi  chisti…

quannu cci  fù  la  prima  ondata  di  arresti

Lu  titulu  iè:  “CCHI  FUSSI  BELLU”  (Putiri  cangiari lu  dittu  “CU  MANIA  SI  UNTA”   in  “CU  MANIA  SI  VANTA”)                Tangenti a Roma    CCHI   FUSSI  BELLU

SPERIAMU  CA  RENZI,  ARRINNESCI  A  FARI  PROPRIU  QUELLU

CANGIARI  LU  PROVERBIU  “ CU  MANIA  SI  UNTA “

  IN  “CU  MANIA  SI  VANTA”

‘nti  assai  puisia  aiu  dittu  “Mi  lu  diciva  ma  patri”

ancora  ‘na  vota  succidinu  fatti  ca  si  sunu  verificati

“ Caru  Fedeli,  li  veri  mafiusi  sunu     a  Roma  insediati

e  ‘nti    li   vari  uffici  sunu    ramificati "

anu   passatu   30  anni,  di  quannu    me   patri   si  nna  iutu

a  truvatu   gli  antenati,  e  si   cci  a  ungiutu

‘sta   notti    mi   lu   aiu   sunnatu….

a   braccettu  di   n’amicu,  di  picca   timpu   arrivatu

iu   mi   mittiva    a   braccettu,  ca   mi   vidiva   preoccupatu

ppi   intantu,   li  cosi   tirreni,  mittili   di  latu

cca,  unni   simu,    vali   sulu   la   spiritualità

iu   ti   guidu,   nun   ti   preoccupà

ma   ppi   ora   turnamu   a  li   cosi   di   chista   terra

ca  anu   arrinnisciutu   a   ittari   l’italia    propriu   ‘nterra

nun    capinnu   ca   ognunu  di   nuatri   simu   lu   statu

ppi  chissu   latru  di  diddu   stessu   addivintatu

                      

 nun   capinnu  ca    si  fallisci   lu   statu

puru   diddu   li   pinni   cci   a  lassatu

ma   turnamu   a   chiddu   ca   a   succidutu

cuntannu   chiddu   ca   aiu   sintutu

iè   abitudini   ca   tignu   la   televisioni   addumata

‘na   vergogna   nazionali   a   ROMA   si   iè   verificata

arresti   in    massa   di   funzionari   e   dirigenti

tangenti  lestu  a  tamburu   battenti

iera   ‘na   pratica   collaudata

mizzu   seculu   fà   accuminciata

mità  a  pratica   avviata

mità  a  pratica   cuncuiuta

lu   sistema   funzionava   cumu   n’ orologiu

cci   fussi   puru    di  faricci  ‘n’ elogiu

ma   Renzi   e  Cantoni,  lu  avivanu    anticipatu…

ca   finiru   li   mazzetti,

‘ngalera   cu   aviva    arrubatu

cci  fussi  lu  ma  patri  vivu,   avissi  statu  cuntentu,

di  chisti  arresti  di  ‘stu  mumentu

cu  a  mancatu,   la  galera  sa  da  fari

cu  arrubbatu,  li   grana  a  lu  statu  avissi  a  dari

po  capitari   puru  ca   qualcunu  nun  a  fattu    nenti

li  Judici  talierannu  si  c’è  qualchi  innoccenti.               

grazii  Renzi,   grazii Cantone,  di  lu  vostru  operatu

grazii  a  DIU  ca  ni  l’ a  mannatu

si  li   gari   di   appaltu   vinissiru  fatti   senza   tangenti                  

sunu  grana  ca  risparmiassimu    tutta  la  genti

N’ autra   frasi   ca  diciva   lu  me  patri

iè  ca  “ avissimu  a  essiri  tutti   cumu    li   frati “

pirchì   nuddu  arrubassi  a   lu  propriu   frati

ammeci   avivanu   sempri    pronti   li   rati

Speriamu   ca  Renzi   arrinnesci   ‘nti   lu   so   fari

accussì   finissiru    li   mali   affari

e  lu  anticu  proverbiu    di  “ Cu  mania  si  unta “

s’a  da  cangiari  ccu:  “ Cu  mania   si  vanta”

e  si  a  da  vantari,  

di   nun    si   approfittari

ca   lu   stipendiu   ca   piglia….

si   lu   fa     bastari  !

Villarosa   (Enna)  6   dicembre  2014

Fedele Di  Francisca