Li Surfarara

                          Li     Surfarara

Lu  me  nannu  paternu  faciva  lu  Esercenti  di  Miniera

ma  ppi  arrivari  a  chissu  puntu a  sopportatu  l’intera  filiera !

accumincià  a  6  annuzzi  a  carriari  e  a  travagliari

e  fici  un  giuramentu   ca  arrinnisciutu  a  realizzari  !

“Giuru  ca  siddu  mi   maritu e  aiu  figli                                                            

l’ aiè  trattari  cumu  li  gigli !                                                                         

Nun  li  fazzu  iri  a la  Miniera  a  travagliari                                             

ma  l’ aiè  mannari  tramquillamenti  a  studiari”                                                              

e,  ppi  daveru  arrinnisciutu  a  mantiniri  !                                                         

Unu  si  nni  ì…..  ppi  Finanziri,                                                                                                       

'n’autru  addivintà …. Carrabuniri,                                                                             

e  lu  ma  patri ….   Capu  Cantiri !

A vita  di  li  Cristiani  iè  a  cicli                                                                                         

7  anni  buni  e  7  anni  tinti                                                                                

Puru  la  vita  di  Villarosa   a  statu  a  cicli                                                                        

100  anni  buni,  10O  anni  tinti

Villarosa, ppi cchiossà di 1 Seculu, fu un paisi d’immigrazioni,
vinivanu di l’ autri paisi, a travagliari, ppi disperazioni !

Ognunu si dava da fari...e lu commerciu iera fiorenti…

arrivammu a 12000… e oggi simu picca e nenti !

Quantità  enormi  di  Surfaru si   produciva

ca ‘nti  tuttu  lu  munnu  si  vinniva                                                                        

ma  tuttu  chistu  stava    ppi  finiri....                                                                             

ca vi cuntu cumu ì……. a finiri

Li Americani truvaru lu Surfaru senza bisugnu di scavari
accussì un saccu di sordi ivanu a risparmiari !

E ccu la chiusura di li Minieri...e nun dicu autru commentu
si nni iru tutti… in prepensionamentu  !
 

i Villarusani, lu travagliu …si lu scurdaru…..
e  lu  paisi  a  iutu  narrì, narrì…cumu  a  lu curdaru  !

iu  aviva  dittu: "E nun dicu autru commentu"
ma  ammeci,  canngiaiu  idea  'nti  nu  momentu.
Pirchì   mi  ricordai  di  'na  cosa scandalosa
cci   abbuccaru   sordi   e   pensioni…..   a  iosa !

ppi  30 anni  cci  anu   ittatu  sordi  a  palati
finu   a  quannu  li  cassi  INPS  ieranu quasi  svacantati
'nti  l'annu '90  s'innaddunaru  di  li  sbagli fatti
e  cangiaru  li  liggi, a  seguitu  di  chisti  fatti.

Attenzioni,  iera  l'interu  sistema  pensionisticu  sballatu
e  menu  mali  ca  si  nnanu  addunatu.
Nun  si  putivanu  utilizzari  sordi  di  li  futuri  generazioni
ppi  dari  buni  uscita  e  favolosi  pensioni.

AD 2017                                  Fedele Di Francisca.