I Mititura
La vita di
lu Contadinu, iera
‘na vita dura
tutti li jorna,
s’aviva a susiri
da ura.
Si travagliava puru
‘nti li festi
ppi arrivari a
inchiri li cesti .
L’ aria iera profumata ,
tutta fina, e si
iva a respirari
li uccellini, si
sintivanu allegramenti cinquettari
!
Arrivati a Brivatura,
l‘ acqua iera limpida
e trasparenti
inquinamentu nun cci
nnera ppi nenti
!
intantu…. si campava
benissimu ccu l’ura
solari
e no cumu
ora, assuggittati a
l’ura legali ;
Si faciva ‘na
vita cchiù regolari
senza irisi affannari
.
E quannu iera ura
di la raccolta
di lu granu
si chiamava genti pratichi,
e ccu la
falci ‘mmanu !
capaci di dòrmiri
‘nti la petra dura, ‘nti
la scalinata…
e cci passavanu
interamenti, tutta la
nuttata !
Sulu ‘na vota nu
contadinu ca aviva tanta generosità a li
Mititura, cci detti
ospitalità !
Ieranu
umini massari, lagnusia
nun nni avivanu
di tunnu ca
durmivanu, a la Matrici,’nti
la scalinata, a chinu
sunnu ..
Chisti sceni, iu mi
l’aviva livatu di
la menti mi turnaru, quannu ‘nti facebook, vitti un
paiu di commenti
Si
giravanu li vari
paisi, e facivanu ‘na vita
da cani vinivanu di Modica,
e li chiamavanu
“I Modicani” Continuannu chista storia di li Mititura.,
Simu ‘nti lu 1950, e stu tipu di travagliu iera a la chiusura !
Simu ‘nti lu 1950, e stu tipu di travagliu iera a la chiusura !
la concorrenza Americana, aviva arrivatu
ca intantu si avivanu meccanizzatu !
ca intantu si avivanu meccanizzatu !
Lu timpu modernu iera quasi arrivatu
e chisti mistera furu misi di latu
‘nti li anni ‘60, in Sicilia…. li Metitrebbia, arrivaru e di li guai, li Mititura, si cci livaru !
e chisti mistera furu misi di latu
‘nti li anni ‘60, in Sicilia…. li Metitrebbia, arrivaru e di li guai, li Mititura, si cci livaru !
AD 2017 Fedele Di Francisca
Nessun commento:
Posta un commento