NEW CCI VOLI 'N' OMU, PPI FARI 'N'AUTRU OMU

NEW VIDEO “cci voli ‘n’omu, ppi fari ‘n’autru omu”

RUBRICA COSTUME E SOCIETA’ di Fedele Di Francisca

La  video/Poesia  è  su  facebook a pagina Le Poesie di Fedele

Adesso voglio scrivere la vita vissuta tra la fine degli anni ‘50
e l’inizi degli anni ’60, preceduta da un breve commento:

Caro Fedele, ho letto la tua poesia. Oltre che poeta ,
tu sei uno specchio nel quale si riflette la vita di
diversi decenni trascorsi , della nostra epoca e
non soltanto del tuo paese, ma anche di una società
più ampia.

Mi piace molto la frase
“ci vuole un uomo, per fare un altro uomo” Isora Tagliavini

(Questa poesia,non ho fatto in tempo a consegnarla, perché
lu zi Ninu Fioritu e Sposa,sono andati nella seconda vita,
la vita spirituale, in compagnia di nostro Signore Gesù Cristo,
perché è quello il posto delle brave persone)

CCI VOLI 'N'OMU, PPI FARI 'N' AUTRU OMU

A lu cinima, facivanu La settimana INCOM --
A Villarosa, si faciva La simana ENAM ! --
iera 'n'associazione sportiva --
ma di sport, nun si nni  faciva

C’eranu  li  FLIPPER  e  tanti  autri  juchi

vinniva  gazzusi, caramelli,e puru  li  ciuchi

‘nti  lu  zi  Ninu, ppi  la   so  simpatia

ranni  e  picciddi, ci  ivanu, senza apatia

A Natali, la tombola si pigliava --
ma a fari tombola, mai si cci arrivava --
a la cinchina lu jucu spiddiva --
la vincita, sulu a unu, iiva

Lu  zi  Ninu,  accussì  chiamatu

iera puru  ‘n’amicu  fidatu

‘nsegnamenti  di  vita  cci  a  datu

ca diddu  iera  già  maritatu

ni  parlava  di  la  so  famiglia

ca già  aviva  avutu  a  prima  figlia

e  nautri  dui  ni  ebbi  timpu   nenti

faciva ‘na  vita  gaudenti

E  nuautri  carusi  di  testa  ancora  leggia

ascutavamu  assittati ‘nti   na  seggia

ni  ‘mparavamu  lezioni  di  comportamentu

ca  ni anu  sirvutu    ppi  ogni  momentu

Chiddu  ca  ma  patri  mi  diciva

mi  ‘nnaddunava, ca  succidiva

“ppi fari  ‘n’omu,  cci  voli ‘n’autru  omu”

E  lu  zi  Ninu  Fioritu, sa  comportatu  di  galantomu

Duppu, quannu  addivintà  cchiù  ranni

di  panificaturi,  vistì  li  panni

la  clientela  fu  propriu  ranni

vinniva  pani,  a  tutti  banni

Di  duppupranzu  si  curcava  ‘ncampagna

unni  si  sursava  li  ova  di  campagna.

Lu  aspittava  ‘na  lunga  nuttata

ppi  fari   propriamenti  la  ‘mpastata

Muglieri  e  figli  ieranu  di  jurnata

e  tutta  la  famiglia  assinsiata

E puru  chista  a  statu lezioni di vita

tutta la  famiglia, senza  abbintu, mai  ‘na  gita

La  muglieri  a  travagliatu  ppi  la  famiglia

cco  maritu  anu  fattu  la  pariglia

‘nti l’ Inghilterra  si  nna  iutu  ‘na  figlia

e  nun c’è  bisugnu  ca  unu  si  la  piglia

Li  figli  anu  ricivutu  buni  ‘nsegnamenti

e  chissu  si  vidi  ‘ni  li  so  comportamenti

sempri  gentili  cche  clienti

ca  anu  ristatu  sempri  cuntenti

e  l’urtima  cosa  ca  iu  vugliu  diri

iè  ca  nun  c’è  nenti  cchi  diri

pirchì, persona,ppi  ccumu  sa  comportata

nun  si  trova  certamente  amminsu  a  strata

AD 2014  Fedele  Di Francisca   con  affetto