La Video/Poesia è su facebook a pagina "Le poesie di Fedele" oppure su youtube digitare Le Poesie di Fedele, A MADONNA DA CATINA
A MADONNA DA CATINA
A MADONNA DA CATINA
Nun sacciu di
unni accuminciari prima
ppi la puisia di la
Madonna di la Catina !
Ma, pianu, pianu,
vaiu truvannu la
rima…
forsi ccu lu
aiutu di la Madunnina
Iè ‘na bedda
festa tradizionali popolari
la strata s’aviva
a illuminari
un chilometru si aviva
a fari
e li pidi s’avivanu
a usari
A la
Madonna lu viaggiu
si faciva
a pedi scauzi, la
sposina iva
mentri ca lu
me patri la taliava…
“Ma nun iè
Maria Rosa, chissa ca
passava” ?
Lu ma patri
si aviva stranizzatu
nun sapinnu ca
SCOUT aviva
statu
li purmisioni fatti
si mantinu….
e didda la
stava mantininnu ‘nchinu
Quannu iu iera
nicu, nun lu
capiva
lu motivu di
lu viaggiu ca si
faciva !
Eccu ca di
ranni, puru a
mì, capitava…..
dicinnu lu Rosariu,
mentri caminava !
Ni susivamu, maritu
e muglieri, da ura
e lassavamu la machina
a Brivatura
a pedi, e
dicinnu prijeri, a bassa
vuci….
accuminciannu,
di lu segnu
di la cruci
Facinnu chistu itinerariu
ni dicivamu lu
Rusariu
senza badari all’orariu
taliannu sulu u
breviariu
iè
indescrivibili la serenità
ca si iva
a pruvari
ca d’ora in
avanti, nun lu
puzzu cchiù fari
datu ca nun
puzzu caminari….
tutti ‘sti cosi,
mi li puzzu
scurdari
ma ristatu, lu pallinu
di la puisia
e lu gioiellu
di la muglieri
mia
ca teni la
famiglia in armonia,
pirchì, vicinu a didda, sparisci
la Lagnusia !
Ma li biddi
ricordi anu ristatu
sempri ’na festa sentita
a statu
iè tradizioni ca
li pizzi, cche sardi, namu
mangiatu
nu me cuscinu
di Milanu s’ arricampatu !
L’autri anni lu
complessu ccià statu
ma ‘stannu si
iè diversificatu
a la GRIN
PLAST
ppi essiri solidali,
la festa a
finutu !
Lu me cuscinu
iera tuttu abbiliatu
aviva fattu assai
spisatu
ca muglieri e
figli s’aviva purtatu
accussì li biddi sensazioni
s’avissiru tramandatu
“Iè inutili ammucciari
lu suli cco
crivu”
Lu cristianu si senti
cchiù giulivu
quannu lu
festeggiamentu iè mantenutu
vivu
ricurdannusi di lu
patri e la matri, ‘nti lu
jurnu festivu !
Ora chiudu, ca
troppu longa sa
fattu, chista puisia
augurannu a li
cassaintegrati, di truvarui
‘na giusta via
sempri
addumannannu a la
Madonna , lu
aiutu
e ccu chistu
auguriu, lu puema
iè finutu.
Fedele Di Francisca
Villarosa (Enna) 21
maggiu 2014
Nessun commento:
Posta un commento