ROBERTU E LU PROPRESSU

   ROBERTU   E    LU     PROGRESSU

L’autra  vota,  parlaiu  di  lu  me  cugnatu

ca  nuautri  ppi  TROGLODITA    lu  amu pigliatu e lassatu !

Ma  ppi li travagli  ca  cci anu  datu

nun iavi  ppi  nenti   lu    cervellu    sdatu

iè  PERITU  MINERARIU   di  ranni  affidabilità

e  cci  dunanu  travagli  di  ranni  responsabilità

usa  perfettamenti    lu  computer

ca ora vi cuntu  l’iter

A  CALTANISSETTA  si lu accattava

pirchì  iera  dducu  ca  studiava

LU  COMPUTER  a  Villarosa,  mancu si  canusciva

e  ‘nti  lu paisi,  ROBERTU   lu  nisciva

chistu  COMMODORU,  iavi  puru  ‘na  storia,

e  iebbi  puru  lu so  momentu  di  gloria

A  LU  COMUNI DI  VILLAROSA  fu  pristatu…

ca  ppi  li  elezioni  COMUNALI  sirviva  lu  tabulatu  !

Stamu  parlannu  di lu  annu   millenovecentottantaquattru

e  Robertu, li rivisi  tecniche si li accattava  a  quattru a quattru

ma  li  scoperti  scientifichi  ieranu  a  ritmu  serratu

e  lestu ,  lestu,  aviva  a  mittiri  tuttu  cosi  di  latu  !

Robertu  aviva  arrivatu  a  chiddu  puntu

pirchì  fici  ‘stu  tipu  di  ragionamentu:

“Siddu  m’accattu  ‘na  novità,  e  mi  fanu ‘na bedda confezioni

lu timpu di livaricci la carta, e lu puzzu  purtari a la rottamazioni

Ora  ca  Robertu   lu  motivu  lu  a  spiegatu

po  continuari  a  usari  lu  so  telefoninu  adoratu

e  senza  essiri  disturbatu

o……CRITICATU.

Ma  Lu  prublema  nasci  ora,  ca sta innu a fari  lu  compleannu

li  colleghi  do  travagliu,  cchi  regalu  cci  farannu  ?

E  si  ppi  casu  cci   fanu  LU  TELEFUNINU

lu  lasserà  sicuramenti   ‘ncapu  lu  tavulinu

Nun  tradirà  mai  lu  so  telefoninu  adorrratu 

e  chiddu  nuvu  lu  metterà  di  latu,  sarbatu

Accussì  ragiuna  lu  me cugnatu

ma a sapiri, caru cugnatu, ca lu progessu  iè  sempri  in  agguatu

e prima  o  poi  sarai  agguantatu

e  cci  resterai  ‘ncagliatu.

Villarosa (ENNA) 28  aprile  2017

Lu to  cugnatu  FEDELE