ppi Robertu e lu so telefoninu

ppi  Robertu e lu   so  telefuninu

Iera ‘na jurnata di suli chinu
s’ arricampà di stirru inchiutu dincuddu 
accussì canuscìu a Robertinu
cco stirru ‘ntesta e puru ‘nti lu cuddu

ieramu ‘nti l’annu millenovecentosettantottu
s’arricriava a jucari fora ccu li amici 
 ma prima ca si facivanu li ottu….
s’arricampava dintra felici

Si jucava fora e si stava all’aria aperta
a lu orariu si sintivanu li vanniuni
ca li mammi ieranu sempri all’erta
ogni mamma si chiamava lu so guagliuni

La scola di vita iera la strata
si stava fora, tutta la jurnata
e nun sulamenti ‘na rancata
e la personalità viniva formata

Si ‘mparavano rapporti di qualità
ma Robertu dducu si firmà !
lu munnu addivintatu globalizzatu
ma diddu arristà cco carattiri arretratu .

Ma quali tablet o collegamentu wann zapp
diddu arristà a quannu iva a Bovaria ccu la zapp ! !
Li risati ca mi fici, nun su di ccà
“Mi lu fa taliari lu telefuninu” ? SI, ECCULU QUA’

Aviva tutti li nummari ca nun si vidivanu
e li letteri puru cancellati ieranu
E ccu ssu telefuninu vicchiu di vint’ anni
Diddu va girannu a tutti banni

Li figli ci dicinu: “Vallu a cangiari”
“Telefuninu e muglieri, nun li vaiu a rottamari” ! !
“Puru ca avissi a nesciri l’offerta ppi la rottamazioni,
iu MI OPPONGO ccu assai determinazioni ! ! !

Robertu arristà cumu a ddi timpi di l’ ebica antica…
Tantu ca l’autru cugnatu lu chiama TROCLODITA

Niscì ddu telefuninu ca faciva pena
ma Robertu ci telefuna ccu ranni lena

mancu un nummaru si vidiva 
ma diddu tranquillamenti ci telefonava,
mancu ‘na lettera spuntava
ma li messaggi li mannava !

Ma cchi cci putimu fari
d’accussì ragiuna lu me cumpari
Ma ragiunannucci tanticchia ccu la menti
nun putiva essiri altrimenti

unu si scegli lu cumpari
ca li ragionamenti a na cumbaciari :
Puru cu sta scrivinnu iavi lu telefuninu di lu timpu passatu
allura cchi va parlannu ppi lu so cugnatu ?

ccu affettu Lu Cumpari Fedele

Villarosa (Enna) Aprile 2015.

.