PERMESSO, SCUSA, GRAZIE

 

PERMESSO, SCUSA, GRAZIE 

(Parole di PAPA FRANCESCO)

(la versione video musicale è su facebook a pagina "Le Poesie di Fedele")

ccu  la  occasioni  di  lu  Natali

lu  pueta  voli  parlari

e  datu  ca  sunu   jorna  di  festa

dici,   tuttu  chiddu  ca  cci  passa  ppi  la  testa !

Chiddu  ca  ajè  diri  adessu

iè   di  addumannari   sempri  PERMESSU,

ma  puru   lu   PAPA  si  contraddici…..

ppi  ‘na  scena  ca  ‘mprovvisamenti  fici :

S’affaccià  do  cancellu   a  lu   ingressu,

e senza addumannari a  nuddu u  permessu !

Staiu     schirzannu     naturalmenti

pirchì   chista  scena   emozionò  assai   genti  !

Puru  iu,    ca  nun  cci  entrava   nenti…..

la   me   muglieri   mi   truvà   piangenti  !

LU  PAPA, ccu  la  forza di  chisti  tri  paroli...

arrinnesci  a  cangiari  li  ruoli :

Duppu  50  anni  ca  nun  si  parlavanu

Americani   e  Cubani    si   appaciavanu  !

L’unu  ccu  ‘n’ autru    SI    SCUSAVANU

e  li   Ambasciati    si     scangiavanu    !

Chisti  tri  paroli  li   vugliu adattari

propriamenti   a livellu  familiari .

Si unu dici,  cosi  sbagliati,   ca nun si  usa…

Lestu, Lestu, a  da  addumannari     “SCUSA”  !

e ‘nti la famiglia, ricurdarisi   di  diri    “GRAZII“

puru  ca  nun   si    ricivinu   li    primizii .

Ma ‘nti chistu Natali, tutti avissimu aviri un donu

ca   iè   chiddu    di    sapiri     dari    perdonu !

Perdonari   Iè la cosa  cchiù  bella  ca  si  po  fari

e  iè  chiddu  ca  sa  da   fari …………………..

ma  no  sulamenti  ‘nti  lu  jurnu ….. di NATALI

ma  a da addivintari  comportamentu   naturali                             

 Lu  PAPA  dici,  ca   prima  di  irisi   a   curcari…

ccu  tutti  in  paci  sa   da  ristari  !

ma  chistu   Lu  aiu  sempri   realizzatu

e  a li  me  figli,  cci  l’aiu  sempri   ricordatu !

Augurii a tutti , Natali 2015  Fedele Di  Francisca