BAR AMARI
A Villarosa, ‘nti lu timpu passatu,
iera in usu…
di pigliarisi lu cafè o barri, pirchì cchiù gustusu .
iera mintuatu lu cafè di Angilu Amaru, pirchì “Cafè Storicu”
e situatu propriamenti ‘nti lu centru storicu .
Li carti ieranu sempri ‘ncapu lu tavulinu
e si respirava tranquillamenti fumu chinu !
Accussì si faciva vita sociali
ma nun si stava o cafè sulu ppi jucari
ma sirviva puru ppi travagliari
e si cumminavanu affari
Cafè, Cinima e Taverni
e li umini superavano
li inverni.
C’era Aria
viziata e lu vuciu
‘na fimmina dissi:
“Ma chi iè tuttu
‘stu schifiu “ ?
Si trattava di
‘na bedda sposina
maritata ccu Calogero Amari lu jurnu prima
Misi lu maritu
a la
Pasticceria
e li carti li ittò
via
Addivintò nu barri eleganti
e si firmavanu tutti
li viandanti
e obbligata
iera a chiazza la
fermata
A chista
signura caiu parlatu
lu Signuri
assai capacità cci
a datu
iè generosa, ma imperiosa
a genti frequentava
lu bar a iosa
A lu pueta piacinu chisti fimmini
di iniziativa
e, assai
assai, comunicativa.
A partecipatu a la
“CORRI E cammina”
dicendo:
“Vergognatevi” ! a ccu ristava
d’intra cca panza china !
A fattu ‘na
bedda famiglia
sempri ‘na ragazzina
pari la figlia
‘na vota la vitti stricata ‘nterra a gattoni
dannu virsu a
li figli ccu ranni
attenzioni
‘na vota a Catania
‘nti nu grossista
mi presentaiu
e a nomi di ANGILU
Amari cci iu
Lu
grossista mi rispunniu
Cu
iè amicu di
ANGILU AMARI Iè
AMICU MIU
vidi chi
Educazioni a saputu
dari
e ‘nsimi a
lu maritu Calogeru, l’anu saputu
educari
e chiddu ca
aiè diri
ca lu zi Liddu AMARI
iera un Signore
e cci a
ma dari tantu
onore
‘nti la pasticceria
iera lu primu
e di amici
iera chinu
a la so
pirsuna iu m’inchinu
e li figli cci assumiglianu
‘nchinu
Lu pueta vi
saluta, facinnula lesta
e vi augura
‘na bona festa
ccu stima e affettu
Fedele Di francisca
Nessun commento:
Posta un commento