A LIGGI DA GARCIA

RUBRICA  COSTUME  E SOCIETA’

di    Fedele  DI Francisca

Questa  settimana  pubblico  un  poesia  a  suo  tempo  pubblicata. SI  RIFERISCE AD AVVENIMENTI   del 2013.

Vuole essere  soltanto  una   dimostrazione  che  quando  un  poeta  inizia  a  scrivere  ,  si sa l’ argomento che iniza , ma  non  sa  dove si  va  a  finire.  Era il  periodo  in  cui  si  sono  verificati  molti   suicidi  tra gli  imprenditori  in  difficoltà,  a  causa  della  crisi  economica.

A   LIGGI   DA   GARCIA

‘nti lu latu sinistru, m’aviva  spuntatu, nu  gonfiori  grussu

e  cchi  iè  ‘sta  cosa,  lestu, lestu,  a  lu  prontu  soccorsu .

Lu  Dutturi  cci  mitti  li  manu ,  l’ernia  la  fici  rientrari :

“ Eccu,  vi  nni  putiti  iri “

iu,  addumannaiu  spiegazioni  di  ‘stu  diri   !

viditi, iu nun cci  aiu  cchiù  nenti  di  fari

finu  a  quannu  iera  gunghiu……iu,  putiva  interveniri, 

MA  ORA LU PRONTU SOCCORSU,   A  SPIDDUTU    DI  AGIRI  !

e  ppi chiddu caiu dittu, vi nni putiti  iri,   quantu prima !

iè inutili  diri,….. ca entru la sira,…. IERA  CCHIU’  GRUSSU  DI  PRIMA !

MI   PARSI   PRECISU  A  LIGGI  DA  GARCIA

A  Villarosa,  quannu    si  ricivi  ‘na  cosa    fallacia

si  dici  ca  iè  “ SECUNNU  LA  LIGGI  DA  GARCIA”

ppi  arrivari  a  la  Garcia, sa  da  arrivari  quasi  a  lu  ponti  di  cinqu  varchi

C’era  nu  caseggiatu

ppi  fari  li  torturi  utilizzatu

l’ oliu  di  Ricinu  viniva    fattu  ingoiari

a  cu  a l’ opposizioni  s’a   iutu   affiancari

di  accussì  si  ragiunava  ‘nti li anni  trenta e  quaranta

quannu genti,  puru  ccu li anni in  anta…..

ricivivanu  oliu di  ricinu  in abbondanza

ppi  purificarli  di  la  loro  baldanza

e  duppu li  mannavanu  a   lu  confinu,

di  accussì  mantinivanu  l’ordini di chinu.

MUSSOLINI,  nun  faciva  di  tutta  l’ erba  un  fasciu

fattu  stà,  ca  ni  purtà  a  lu  sfasciu  !

Prima  di  la  guerra,  tutti  ieranu  Fascisti

cumu iè  ca  duppu la guerra,  spariru  tutti  li  listi.

La  verità  iè   ca  simu  tutti  opportunisti

e  ppi    chissu  BERLUSCONI, iè   sempri  ‘nti  li  listi  !                                      1 /2

Pariva  ca  politicamenti  iera  murtu

ammeci,  si  ritrova  a  lu  purtu

ma  li  judici  lu  vunu  galiutu,

e  diddu  ‘nti  la  chiazza  si  nna  iutu.

A  lu  pupulu  sta  addumannannu  aiutu

ma  lu  pupulu  sta  rispunninnu  ccu  lu  tonu  argutu

mi  nni  staiu  futtinnu  di  Berlusconi  e  puru  do  Magistratu

iu,  a  ‘sta guerra,  nun  sugnu  ‘nteressatu

pirchì,   nun  aiu  misu  mai  sordi  di  latu

e  mancu  sacciu  si  oggi  o  ieri  aiu   manciatu

e,  quasi  quasi,  mi  cummeni  dari  l’urtimu  jatu.

Chissu  succedi   quannu  unu  iè  disperatu

e  nun  vugliu  sentiri  parlari,  ne  di  Berlusconi,né  di  lu  Magistratu

Ora  viu   alla   CARITAS,  si    mi  iru  a  registrari

nun  pinsavu,  ca   aviva a  iri   addumannari.

di   lu   travagliu   mi  anu  licenziatu…..

nun  resta  autru  ca  dari  l’urtimu  jatu

Lu   Pueta   a   livellu   generali  a  parlatu.

Lu  casu  miu   iè nu  pocu  diversificatu,

onori  a  la  muglieri  mia  ca  arrinnisciutu…..

a  tutta  la  famiglia  dari  aiutu.

Ma  ora  la  viu  assai  affannata

e  puru  didda iè  prioccupata

pirchì  nun  ci  vasta  cchiù  la  misata

avissiru a travagliari li figli, ppi putiri  viviri la vita.

E  ppi  chissu  dicu  a  Judici  e  Politicanti

FINITILA  CCU  LI  CUMBATTIMENTI

E  PInsati a grapirivi  la  menti

ppi  putiri  risolviri  li  prublemi   urgenti  ;

ca  iè  chiddu  di  fari  travagliari  la  genti.

E  allistitivi  a  fari tuttu  chiddu  ca  aiu  dittu

masinnò  succedi  arrì  chiddu  ca  aiu  scrittu.

Villarosa  13  maggio  2013   Fedele   Di  Francisca                                2 / 2