LI ME OTTU
DIPLOMA di Carmelo
D’ Accardo
Si vinia
Cristu Santu
Quannu iu
era nicu nicu
D’arrivari a
chistu ‘ncantu
Nun cridia vi
lu dicu
D’arrivari a
tanta gloria
Di grannizza
a la me
storia
2
tegnu già
ottu diploma
misi esposti
a li me
mura
di Sicilia,
Bergiu e Roma
ca la
casa mia s’anura
ripurtari stu
vantaggiu
ccu la
musa a me
linguaggiu
3
nun crideva lu dialettu
puru essiri apprizzatu
senza umbra di
difettu
sugnu ormai lauriatu
comu a chiddi
struituna
ca fa onuri a
la canzuna
4
nun mi curu
siddu vecchiu
quasi ciuncu e già arrapatu
ca guardannumi a lu specchiu
paru afflittu e scunzulatu
ma si mittu manu
a stucciu
la vicchiaina l’ammucciu
5
ccu la manu
ca mi trema
dugnu sfogu a
la natura
nun cangiannu di sistema
penzu nò a la sipurtura
scrivu, cantu e
quannu moru
lassu almenu un gran
trisoru
6
passu iorna, misi
ed anni
misu ‘mbrazza a la me musa
ca mi onura e
oduri spanni
comu figlia, matri e
spusa
cchiù ca l’amu e
cchiù ca vola
d’ogni beni mi
cunzola
7
puvireddu, ma riccuni
diplomatu a oru e argentu
si nun sugnu
un gran baruni
puru un principi mi sentu
suddisfattu di l’onuri
cchiù di un
re e di un ‘mperaturi
8
si vinissi un scunusciutu
di passaggiu a la me casa
mi facissi un gran
salutu
ppi cunchiudiri la frasa
pirchì dunca nun
è di tutti
di stu meritu
e sti frutti
9
musa amata ti
rincraziu
ca mi dasti
chistu donu
di campari accussì saziu
ccu lu tò supremu
sonu
ca a la menti mi ‘ncastasti
duci, duci, a
milli tasti.
Carmelo D’ Accardo
Nessun commento:
Posta un commento