CCI VOLI N' OMU, PPI FARI N' AUTRU OMU di Fedele Di Francisca

CCI   VOLI ‘N’OMU,                                                          ppi  fari nautru  OMU                                                                                               (didicata  a  lu  zi  Ninu  fioritu)

CCI  VOLI  N’ OMU,   PPI  FARI  N’ AUTRU  OMU

(dedicata   a  lu  zi   Ninu  Fioritu)

A  lu   Cinima   facivanu   “ La   SETTIMANA   INCOM “

a  Villarosa   si   faciva   “ La   SIMANA    ENAM “   !

iera   n’  associazioni   sportiva…..

ma   di   Sport   nun   si   nni   parlava   !

c’eranu   li   flipper   e   tanti   autri   juchi

e   un   saccu   di   successu   fici  !

‘nti   lu   zi   Ninu…   ppi  la   so   simpatia….

ranni   e     picciddi,   cci   ivanu   ccu    alligria  !

Colossali   jucati   di   Tombola   si   facivanu

ma   a   Tombola   MAI   si   cci   arrivava

a   la   Cinchina   lu   jucu   spiddiva…

Lu   Vincituri   tuttu   cosi   si   acchiappava

Lu  ziu  Ninu,   accussì   chiamatu,

iera   puru   n’ amicu

‘nsignamenti   di   vita   ci   a      datu

ca   Diddu   iera    già   maritatu

ni   parlava   di   la   so    famiglia

ca   già   aviva   avutu   a   prima   figlia

e   nautri   dui   nni   ebbi,  timpu   nenti….

faciva    ‘na  vita   gaudenti

E   nuautri,   carusi   di   testa   ancora    leggia

ascutavamu   assittati   ‘nti   ‘na   seggia

ni   ‘mparavamu   lezioni   di   comportamentu…

ca    n’ anu   sirvutu   ogni   momentu.

chiddu   ca    ma    patri   mi   diciva…

mi   nn’ addunava   ca   si   verificava

“ppi   fari   n’ omu,   cci   voli   n’   autru   omu” ….

e   lu   zi   Ninu   sa   dimostratu   un   Galantomu

Duppu,   quannu   addivintà   cchiù   ranni

di   panificatori   vistì   li   panni

La   Clientela   fu   propriu   ranni…

vinniva   pani   a   tutti   banni.

Di   duppupranzu   si   curcava   ‘ncampagna

unni   si   sursava   li   ova   di   campagna

Lu   aspittava   ‘na   longa   nuttata…

ppi   fari   la   ‘mpastata.

Muglieri   e   figli   ieranu   di   jurnata

e   tutta   la   famiglia   assinsiata.

E   puru   chista   a   statu   lezioni  di   vita

tutta   la   famiglia,  senza   abbintu,   ‘mpegnata

la   muglieri   a   travagliatu   ppi   la   famiglia

cco   maritu   anu   fattu   la   pariglia

‘nti   la   Inghilterra   si   nna   iutu   ‘na   figlia…  

e   nun   c’ è   bisugnu   ca   unu   si   la    piglia

Li   figli    anu   ricivutu   buni   ‘nsignamenti

e   chissu   si   vidi   ‘nti   li   so   comportamenti

sempri   gentili    cche   clienti…

ca    anu   ristatu   sempri   cuntenti

e   l’   urtima   cosa   ca   iu   vugliu    diri…

iè   ca nun   c’è   nenti   cchi   diri  !

pirchì,   Cristiani,  ppi   cumu   diddu   iè

nun    si   trova   unni   iè   ghiè.

Ppi   la   so   naturali    correttezza,   precisione   e     gentilezza

ppi  lu   zi   Ninu    Fioritu,  ccu   simpatia   e   affettu

                                                  Fedele  Di  Francisca  8 /5/14