Lu Bergiu
1
Caru Carmelu,
sempri mi dumanni
Cum’è ca mi la
passu ‘ntra sta terra
A diritillu, lu
duluri è granni
Trema lu cori e
la lingua si serra
‘mmenzu a li
peni, li guai e l’affanni
ppi miraculu la
morti nun m’afferra
chistu m’attacca
– doppu cinquant’anni
peggiu di chiddi,
quannu sunnu in guerra
2
di quannu la
Sicilia lassai
comu diversu l’attruvai lu munnu
e di tutti ddi
beni, ca sunnai
mà cridiri di
frati, nun ci sunnu
e sparti, ppi
viniricci stintai
‘mmenzu a stu
‘nfernu, stripitusu e funnu
ca mi privò;
guardari sulu e rai
‘nzina a la luna,
ccu lu circhiu tunnu
3
sia sempri,
laudata e biniditta
la terra nostra,
la Sicilia amata
ca ppi quantu si
trova amara e afflitta
di li sò figli è
sempri addisiata
macari ca la casa
è stritta stritta
rustica, scarsa e
mala cuminata
basta un
trincuni, dda misu a l’addritta
dari triunfu a
tutta la casata
4
e cca, ‘ntra
chista terra sulitaria
tessu li veli a
la malincunia
sempri a suggettu
di lu me impresariu
ca m’accumpagna
drittu a la pazzia
mi duna a stentu,
un pocu di salariu
doppu scupata ,
la sò fatturia
e ppi cumpenzu,
nun canusci urariu
ccussì si persi,
la me puisia
5
scrivu di notti,
ccu na cannilicchia
la trista scena –
di l’amara vita
squartata comu
aranci, a centu spicchia
ppi dari sucu, a sta
dura partita
riduttu quasi
surdu, di n’aricchia
e li cripazzi,
‘ntra tutti li ita
chistu è lu
Bergiu e s’ascuti tanticchia
malidici – a ccù
fici la munita
6
cci staiu e
sempri penzu li iardina
unni s’agiucca lu
suli e la luna
e penzu a lu
viddanu ca simina
ppi dari, a la sò
patria furtuna
penzu, ca si
discurri e si camina
e la vita diventa
na canzuna
iu cca discurru,
ccu la panza china
ma è distrutta di
li sò guttuna
7
sempri pinzusu,
ppi la me famiglia
cchi duluri – a
lu cori ca mi veni
si vivu, posu
lestu la buttiglia
si manciu, ppi lu
gruppu un coddu beni
nuddu, si nni po’
fari meraviglia
chiddu ca senti,
tutti li me peni
nun ci vulissi a
nuddu a sta gradiglia
‘mmenzu a sta
vampa, ca un canusci freni
8
nuddu cc’è granni
ccà, nuddu cc’è vati
nun cuntanu né
dotti e né pueti
rimproviri cci
su, di tutti i lati
‘nfami di
qualità, anchi sigreti
cci su
pruprietarii e spiantati
tanti miscuglia,
di arti e di ceti
e ppi accurdari a
starimi dicullati
postu ppi tutti
cc’è e la morti meti.
Nessun commento:
Posta un commento