FRATILLANZA
Fratillanza! Ca
gridi – fratillanza
lu gridu ccu lu cori? O ccu la vucca
ogn’omu penza sulu a la sò panza
e sulu ppi la sò, tuttu s’ammucca
e tanti ca malati di gnuranza
di la sò gargia, chistu gridu sbucca
evviva! evviva! a rocchia e a radunanza
ma ‘nsegretu, si paranu la cucca
evviva! ancora tutti riuniti
cunzimili, ad una massa di surdati
ma iu rispunnu a tutti – cci criditi ?
di quantu fami ccè a li strati strati
unni si perdi l’acqua – lu sapiti?
‘ntra li isterni, di li stessi frati.
Nessun commento:
Posta un commento