LA GUERRA
Brutta guerra e ccu dichiara
la parola
di la guerra
Mancu penza ca si
spara
contra un sessu
di la terra
Ch’avi puru lu
dirittu
Di campari e no
scunfittu
2
quantu casi e
gran palazza
bumbardati e rasi
a solu
cu l’affattu? Un
testa pazza
tantu sfregiu e
lu sdisolu
ca li stissi
sdisulati
li gastima,
strati strati
3
ripinzannu a
tanti figli
ca s’abrazzanu la
morti
crisci un pocu di
scumpigli
senza paci e
mancu sorti
tra li matri
chisti e chiddi
sgammigliannu li
capiddi
4
nudi ‘mpinti e cu
strazzati
comu tanti
puvireddi
senza pani e
strapazzati
già ridutti ossa
e peddi
nutilmenti prega
e dici
persi a tutti, un
cc’è cchiù amici
5
persi a tutti
l’alligria
mentri avanza la
paura
ca lu munnu in
tirannia
scrivi morti e
sipurtura
n’ogni muru e
n’ogni porta
cc’è galera e
casa morta
6
lamintusi li
sireni
quannu dunanu
l’avvisu
cchiù
s’accriscinu li peni
cun cc’è cchiù lu
paradisu
sulu cc’è
spaventu e ‘nfernu
sutta un reclia
maternu
7
lu paisi ccu lu scuru
pari veru un
purgatoriu
ca purtassi a lu
scunciuru
lu cchiù vappu a
perdi coriu
senza lampi a
l’allammicu
ppi un vidiri a lu nimicu
8
brutta guerra e
li sò ordigni
ca distrudinu lu
munnu
ppi acchianari a
quattri signi
cun ci vasta unni
sunnu
‘mmenzu a l’oru e
tantu argentu
ietta bummi e fa
spaventu
9
ogni afflittu,
doppu tantu
sustintari la
casuzza
si l’abbrazza ccu
lu chiantu
quannu cadi e
‘nterra appuzza
riducennu un
tunnu zeru
ccu na cruci e un
cimiteru
10
d’accussi li
bellicista
quannu scippa e quannu
duna
puru a sperdiri
la vista
cerca ferri e fa
cannuna
nun pinzannu a
ddi nnuccenti
fa la guerra e
nun si penti
11
ma iu dicu comu
mai
comu nuddu si
rifiuta
di sparari a
crisci guai
contra a n’antru
a vucca muta?
Cchi t’affattu? E
cchi ti fici?
Di viniri dui
nimici?
12
si si pinzassimu
la guerra
quantu mali fa a
tutti
tanti vermi di
sta terra
cchiù un purtassi
peni e lutti
stassi in paci in
cumpagnia
menza a tutti, e
accussì sia.
