Con questa poesia, il Poeta D’ Accardo, descrive i grandi cambiamenti del modo di vivere delle persone, con la “ innovazione tecnologica “, diremmo oggi. ( E siamo nel 1949 ), leggete e vedrete:
CCHI PO’ DIRI LU LETTURI
Cchi po’ diri lu letturi
quannu senti li me versi
d’un truvari lu valuri
ntra sta menti in centu fersi
cchi po’ diri la pirsuna
ca canusci la mpurtanza
di la musa e la furtuna
ca né luci e mancu avanza?
lu pueta rassumiglia
comu quannu la cucina
si pussedi na gradiglia
coci e stà di fumu china
lu pueta, la fumata
l’avi sempri tra la menti
ca cci sta sempri affumata
ma di restu servi a nenti
ppi lu fumu e ppi lu focu
cci fu sulu lu riparu
ca parlamu a pocu a pocu
lu discursu vi dichiaru
vui sapiti ca la scienza
di stu seculu mudernu
quantu cosi a misu a lenza
pun suffriri cchiù n’eternu
gia difattu a spurmintatu
la cucina con fa fumu
senza dari forza e ciatu
di principiu a l’addumu
Pibigas e lu so nomu
ca qualunchi sbalurdisci
fatta fù, ppi donna e omu
si lu dannu so capisci
ppi la sula guagliardizza
ca pussedi sta cucina
sentu ncori na ducizza
di gridarlu a gargia china
iu scummettu ca la donna
dispirata a cucinari
comu prega a la madonna
di putirsila accattari
so maritu lu sciuntini
di sta collira s’allagna
ma ccu l’occhiu finu finu
spera a Cristu ca guadagna
cce la figlia la cchiù granni
fa baccanu ccu so soru
ca lu fumu giustu un spanni
ntra lu nicu fumaloru
cce lu ventu e cci l’ammutta
tuttu dintra casa casa
ca lu stomacu cci abbutta
quannu è di fumu rasa
e l’affritta biancheria
ntra li casci mura mura
tutta gialla e tutta pia
fa n’orribili puzzura
avi voglia na muglieri
di sfardaricci sapuni
ma lu spusu ntra li feri
sta sempri comu un lurduni
mancu un granni tabaccusu
ca lu moccaru cci penni
fa stu fetu assà accubbusu
comu e giustu e si cumprenni
ma fin’ora con ccia statu
la cucina a pibigas
nuddu a stau mai sparlatu
né li scarsi e né li grassi
cangia l’epuca e la sorti
l’omu cangia lu so stili
d’accussì li nostri parti
vonnu cosi cchiù gentili
cce lu preggiu e la sustanza
ntra na casa con cce postu
di cucina, ntra na stanza
ca cci vo a qualunchi costu
basta a n’anculu di muru
comu fussi un lavamanu
pibigas – a lu sicuru
vuddi pasta e un fa baccanu
poi pussedi lu firniddu
ca v’arrusti n’antru pastu
mentri l’omu miatiddu
sta ppi speddiri un cuntrastu
quantu va stu gran piaciri
di mangiari a so sigretu
senza dari mai chi diri
ntra li furni o a quarchi cetu
ca si unu ppi sbintura
nfurna cosi in panittera
dda succedi na cungiura
ppi l’affritta daganera
già lu furnu è un tribunali
d’abbucati senza scola
di li danni senza sali
furficicchi a tagliu e vola
perciò dunga, un puvireddu
ca pussedi na famiglia
siddu nfurna un daganeddu
trova sparla e meraviglia
è chiamatu liccannuni
ccu lu sangu so starvortu
ppi pigliarisi un mizzicuni
doppu un misi stancu mortu
e si passa strata strata
lu daganu lassa oduri
nasci n’antra sparlata
ccu li pari so sbinturi
quantu và stu novu tipu
di cucina in casa vostra
s’arrustiti quarchi pipu
nun si porta cchiù a la mostra
lu mangiari è cunfidenza
na famiglia quannu mangia
s’è pagata o è a cridenza
nuddu sapi o piglia o scancia
cu lu vidi e ccu la sapi
sta cucina o granni o nica
situata a chiudi e grapi
discacciannu a chidda antica
si partiti ppi ncampagna
ppi na granni divirtuta
vistuteddi in pompa magna
pibigas – assà v’aiuta
la murditi ntra na varda
di na mula o in scecca
tempu un quartu vi riscarda
pasta e pisci o na bistecca
comu quannu Magagigi
cumannava l’arti magica
ripurtannu gran prudigi
d’ogni scena fatta tragica
d’accussì comu d’incantu
pibigas lesta vuddi
cogne d’unu resta spantu
d’appizzari li miduddi
pibigas fa agustari
la pitanza cchiù squisita
ca l’agustu a lu mangiari
duna onuri e longa vita
quannu ‘ncasa avoti aviti
genti stranii ammitati
cchi disturbu risintiti
si li cibi su affumati
già l’amicu ppi puntigliu
mangia e vivi e un dici nenti
pun succediri a scumpigliu
fa lu fintu risulenti
ma però avi un cutugnu
risarvatu ntra la panza
ca si passa un iornu grugnu
n’antra vota po’ lu scanza
comu puru accadi spissu
quannu vuddi la pignata
menzu a focu e fumu e issu
cadi a l’acqua na tuppata
si la donna un sinn’adduna
e la pasta dda cci cala
li maglietti o maccarruna
ppi munnizza si li sala
nta stu casu poi succedi
gran rimproveru a la spusa
maltrattannuci l’eredi
a dda donna dignitusa
pibigas è la paci
di mariti e di muglieri
muta muta coci e piaci
anchi o megliu cavaleri
Finita a Villarosa Sabato 1° Ottobre 1949
Nessun commento:
Posta un commento