FRANCO BELLANTE VA IN PENSIONE

FRANCO  BELLANTE – IN  PENSIONE

Mi  dispiaci  iriminni  in  pensioni  

pirchì  aiu  travagliatu  ccu  precisioni

Aiu  fattu  la  prima  accoglienza

nun  sacciu  siddu  si  ‘nnadunanu  di   l’assenza

Forsi    sulamenti   all’iniziu

ma  lestu  qualcunu  piglierà  lu   viziu

“Tutti  simu  utili,  ma  nuddu  iè  indispensabili”

e  cu  a  da  veniri,  travaglierà  in  manera   ammirabili   !

Ora  iu,  tranquillu,  mi  nni  vau  a  mari

mentri  ca  vuautri,  ‘nti  chistu  gusciu,  a  ta  sudari

scusati,  ma  un  pocu  di  stridi,  vi  la  iè  fari

duppu  anni  e  anni,  di  venir  a  faticari

Chiddu  ca  nun  mi  puzzu  scurdari

quannu   L’ArchivIu   immu   a   sistemari

Puru   ca   nun   iera  ‘nte  nustri  mansioni

ficimu   Lu  travagliu   ccu   ranni  passioni

cche  colleghi  namu  truvatu  in  armonia

qualchi  vota  puru  in  allegria

cche  Dirigenti  nun  amu  avutu  mai  problemi

puru  ca  difficili  anu  statu  Li  temi.

Aiu   parlatu  di  li  colleghi  di  Lu  gusciu

ora  a  iè  diri,  di  quannu  di  Lu   gusciu   niscciu

Tanti  surbizza  dintra,  toccanu a  mì

pirchì   travaglia   la muglieri   mì !

La  prima  cosa  ca  iu,  a  iè  sistemari

iè un  DETTU,   ca   Lu  a  ma  evitari.

‘Na  vita ca  iu  dicu  chistu  Dettu……

“Possibil ca   nun   truvu  mai,  carta igienica, ‘nti lu gabinettu  ?

A  iè  accattari,  di  carta  igienica,  ‘na  risma  intera

cumu  chidda  di  la  stampanti,  quannu  ‘nti  l’ufficiu  iera

Li   dui  figli masculi,   sunu assai  …. disordinati

aiu  voglia  a  rassettari,     ppi  tèniri    li  casi  ordinati  !

Aiu  ‘na  muglieri  e  tri  figli,  ma  simu setti…

cche  gattariddi   ca  un  vicinu  ni  detti

fanu  parti  di  la  famiglia,  cumu  ‘na  famiglia  allargata

e  cci  facimu  fari,   ‘na  vita  agiata !

A  Francu,  iu,   mi  lu  ricordu   di  giovanottu

quannu  iva  all’appuntamentu,   puru  o  galoppu

Si  chiama  Bellanti  e  iera   giovani  aitanti

curriva,  all’uscita  di  la  scola,  mittinnusi  davanti

Dui  anni,  di insistenti  corteggiamentu

e duppu   Lu  matrimoniu  ‘nti  nu  momentu

Ma pinsannu a  chistu  festeggiamentu

Francu  a  da  fari  un  giuramentu

e  la da diri…….  ccu  tuttu  Lu  sentimentu

e  la da ripetiri …..     “come un disco” …

 ca  a da  diri  a  la  muglieri…:   Obbedisco   !

A  parti   lu    scherzu

ca duppu  nun  iè  tantu scherzu

Vi  auguru  a  tutti  vuautri  di  arrivari  a  chista meta

e  arrivaricci  ccu  la  testa  cuieta.

                     Lu  Pueta                 Fedele Di Francisca

AD 2018.