LU APPUNTAMENTU

    LU   APPUNTAMENTU

Maiu  misu  a  scriviri  chista  puisia

spirannu ca vi  piaci  nu  pocu  di  ironia

ma  iu pinsu    ca  vi  piaci,  pirchì  siddu  mancassi  l’ironia 

a  vita  addivintassi  sicuramenti   noia  !

Prima di  accuminciari  a  parlari   di   lu  Appuntamentu

vi  vugliu  fari  un  cumplimentu

e  staiu  pinsannu   a  lu  vostru  comportamentu….

ca  ppi  gentilezza,  nun  esisti  superamentu

N’ amicu   mi  dissi:   “A li 9 e 40 precisi  vignu   dintra ‘nti  tì “

e  lestu, lestu,  si  misi  ‘mmotu   lu  cervellu  mì  !

‘nto secunnu   lu  pinsiri   mi  va, a lu Dutturi  Luigi  Scarnati

ca  dava… a  tutti… appuntamenti  strammati !

Sugnu  sicuru  ca  a  lu  Dutturi  cci  piaci  a  Psicologia

e  iavi  d’incuddu  assai  IRONIA  !

Mentri  ca  aspittava……. E  IERA  ANCORA  JURNU

ascutava  chiddu  ca  diciva  a  ‘nfirmera  di  turnu,

 ca  rispunniva  o  telefonu,  dannu  lu  orariu  do  ricevimentu,

e  chiddu  ca  sintiva  mi  dava  assai  divertimentu

ieranu  di  un  quartu  d’ura  sfasati

e  iu li chiamu  “PSICOLOGICAMENTI   DATI”

Certu,  pirchì  fanu  capiri  di  rispettari  lu  perfettu  orariu…..

ma  a  nuautri,  NI  SCURA' , e trasimmu abbontantementi  fora orariu

  Ma  a  me  è  piaciuta  l’idea  adottata

 

  e  mi  complimentu   cco   Dutturi  ppi  la  bona  pinsata,

  e  ppi  la  precisa  Diagnosi  a  me  cunsignata !

  ‘nto  minutu  piglià  a  scheda  di  la  visita  di  l’autra  vota….

  dannumi  lu  precisu  esitu,  cumu  ogni  vota.

  Puru  a  lu  Personali  vanu  li  complimenti

  ca  si presentanu  tutti  risulenti

  e  cche    discursi  e  ccu  tanta  simpatia….

  mittinu  a  lu  malatu  assai  allegria.

  Puru  lu  Dutturi  duna  simpatia

  e … cuntentu…  lu  clienti  si  nni  va  via.

Tuttu  ‘na  vota,  di  chiddu  ca  mi  vinni  ‘ntesta

lu  vugliu  fari,  propriamenti  lesta

vaiu  ‘nti  Facebook,  e circu  Luigi  Scarnati

e  truvu  un  saccu  di  filmati  !

Allura  iu,  aviva  arraggiuni, e nun mi  ieru  sbagliatu

pirchì  filmati  ironici  aiu  truvatu !

cci  ‘nnera  unu  ca  iera  vistutu  di  barista

iè  un cristianu  ca  sapi  stari  in pista !

‘nti   facebook, cumu Maciste Ercole, sugnu canusciutu

ppi  IRONIA, pru  iu, sugnu  chinu  inchiutu

ppi  chissu  scrivu  ironicamenti

e  cci  vaiu  addumannari  l’amicizia  immediatamenti.

Aiu  scrittu ppi  lu  Dutturi,  e  ppi  la  so  compagnia

spirannu   di  aviri  purtatu  tanticchia di Allegria.

ccu  rispittu

                                               Fedele Di Francisca

AD 2018