LI TRI TIPI DI MATRIMONI

                  LI  TRI  TIPI  DI  MATRIMONI

      ( Anticu   matrimoniu,  mezzanu,  e   di  oggi )

La  video/Poesia  è  su facebook  a pagina  Le Poesie di Fedele,  oppure

su  youtube digitare  le poesie di fedele, LI  TRI  TIPI  DI  MATRIMONI

‘nti  tutti  li  matrimoni,

 cci  sunu  li  testimoni

ma  chiddu  ca   ni  tocca  testimoniari

mancu  ni  lu  putivamu  ‘mmaginari  !

E  ccu  lu  aviva  a  diri

di  cumu  stanu  innu  a  finiri

quasi  tutti  li  matrimoni.

di   li   attuali     generazioni   !

A   chistu   puntu,  a  ma   fari   ‘na  considerazioni:

Di  la  nustra  generazioni

amu  avutu  ‘na  bona  gestioni

e  chiddu  ca   iu pinsu, 

iè  ca  n’amu  truvatu    ‘nti   lu   mizzu

Precisu  ‘nti lu   mizzu, tra  li  matrimoni  combinati 

e li  matrimoni  completamenti  liberati  !

Tra  li  matrimoni  di  sissant’ anni  narrì

e li  matrimoni  di oggi,  ca  vanu  narrì  narrì  !

Quannu  ‘na  carusa   s’aviva  a  maritari

a  lu  Patri  Patruni,  s’aviva  addumannari

Duppu   si  iva  a  rumpiri  lu  scaluni….

mancu  esistiva  lu  zitaggiu  ammucciuni.

Di  accussì  accuminciava  lu  zitaggiu,   60 anni  nnarri’

a  passeggiu,  li  ziti  davanti  e  la  cuda  darri’   !

Ancora  ppi  arrivari  a  la  modernità

qualchi  annu  aviva  a  passà

Setti  viscotta  misi  d’intra    Li  sacchetti

cca  quadara  mangiammu  stretti  stretti

chi  matrimoniu  anticu  fu’

e  quantu  arrinnisciutu  fu’

vanu  d’amuri  e  d’accordu

e mai  ‘na  sciarra  mi  ricordu

iè  bellu  quannu si  voli  beni  d’accussi’

e  iè  bedda  a  famiglia  ca  corrispunni’

A  ‘stu  puntu  lu  Pueta  si   fa   tanti  dumanni

oggi,  matrimoni  felici,  a  nuddi  banni !

A  sei  misi,  maritati  e  lassati

e  duppu  apprissu   all’avvocati  !

Nun  cci  sunu  cchiù,    i  valori  di  ‘na  famiglia

finisci  ca  succedi  lu  parapiglia

lu  masculu,  o  la  fimmina,  si  appiglia…..

e  ognunu  si  nni   torna   ‘nfamiglia  !

Chistu  iè  lu  destinu  di  li  nuvi  generazioni

ca  nun  sunu  capaci  di  valutari  li  situazioni

iera  migliu   lu    matrimoniu  anticu…

ma l’urtima parola vi la dicu  :

 :

ca  lu  matrimoniu  cchiù  giustu
iè  chiddu  ca  amu  fattu  nuautri  ccu  gustu !
C'era  la  libertà  di canuscirisi  e  comunicari
ma  c'era  ancora  lu  patri  e  la  matri,  d'ascutari !

        

                                    Fedele Di Francisca