ADDIMMURA

                ADDIMMURA

Aiu  parlatu  ora, ora,    ccu  me  figliu

e  a  chiddu  ca  m’a  cuntatu  m’appigliu  :

Quannu  iera  nicu, si misi ‘ntesta  ca  vuliva  a  bicicletta

“Si  propriamenti  chissu  ti  alletta

va  a  travagliari   e ti mitti  all’erta,

accussì, t’accuchi  li  sordi, e t’accatti a  bicicletta”

Ma  ‘nti la pizzeria, unni  si  misi  a  travagliari

c’era lu pizzaiolu, ca iera smanciusu  assai

vulinnu  ristari   ‘nti ‘stu  momentu sulu,

cci fici fari   nu    biddu vulu

Lu  mannà  accattari  ‘na  cosa

ca iè  ‘na parola antica ca si usava a Villarosa

ma  Raffaeli   iera  o  scuru di  chista  cosa….

e cci ‘ncaglià ccu ‘sta parola scherzosa

Chista parola  nun  iè  scherzosa  mica  tantu

la usavanu li fimmini   ogni  tantu

ppi alluntanari li figli ppi  qualchi  timpu 

“va ‘nta cummari

ca la Dimmura  t’a  fari   dari “

di  accussì   Raffaeli  cci  ì  a  ‘ncagliari:

“Va  ‘nto sig.  Mariu Palermu,  ca iè apirtu a ‘stura

E M’ACCATTARI  1  CHILU  DI  ADDIMMURA

 A VOGLIA  CA ANNI PRIMA  IU  CCI LU  AVIVA  SPIEGATU

ma  diddu  l’aviva completamenti  scurdatu

e  sanu, sanu, ‘nti   lu   truccu   ccià   ‘ncagliatu

Sig. Palermu, menu mali ca lu aiu truvatu  apirtu a stura

mi  dassi  un  chilu    di   ADDIMMURA.

chi  iè  ca iè  pigliari ?

1 chilu di addimmura ,

 ca DUPPU lu pizzaiolu  la  veni  a  pagari !

ah  l’aiu  caputu

Assettati  dducu

trasivanu  autri  clienti  e  diddu  li  sirviva

sig Palermu, e a dimmura?

a ma aspittari  a  me  muglieri  ca  ancora  nun  iè  ura

passà  ‘na  bona   rancata

e  vinni la muglieri  tutta allaccarata

“Sinti, a muglieri,

vidi ca c’è Raffaele ca  aspetta a dimmura

a vaiu a pigliu do magazzinu, prima ca scura”

La  muglieri tuttu cosi a caputu

e Raffaeli  stetti n’autra rancata assittatu

Duppu lu zi Mariu Palermu a turnatu

dicinnu ca ‘nti lu magazzinu nun nni aviva truvatu

E accussì  chista esperienza a Raffaeli  cci  a  tuccatu.

lu  papà  Fedeli.