CINE ITALIA IN SICILIANO

   

  CINE  ITALIA

la visione con la colonna sonora su facebok, a pagina  Le Poesie di Fedele                                                              

Era   l’unica   insegna   luminosa,

ca  esistiva   ‘nto   paisi  di Villarosa  !                                                                                                                                         

Innu o  Cinima,   si  creava  ‘na  sirata gioiosa

puru ca la  trama  avissi  statu   noiosa !

‘nti  lu  paisi, nun  c’era  autra  manera  di  svagu

esistivanu  puru  li  taverni,   già  parlatu, e nun divagu

 cco  cinima,   si formava  ‘na  certa atmosfera

ca   li  giovani  di oggi,   nun  cridirannu  mai  vera !

‘nti   la  trasuta,  nun mancavanu li  bancarelli:

ciciri,    favi,   simensi, e  caramelli

Mentri  ca  c’era  la  pausa,  gridavano ”Gazzusi” !

E  nuautri  ni  mangiavamo  li caramelli  cchiù  gustusi

C’era   lu Direttori,  giacca,  cravatta,   eleganti;

a  pubblicità    attaccata    cco  collanti,

do    Bigliettaiu,  si   vidiva   sulu  la facci  e  lu  pittu

Sempri  additta  ,   cu  controllava  u  biglittu !

ccu  100 liri, si  trasiva  ppi   taliari  a proiezioni

tantu  ppi  diri….  si  putiva  fari… sulu ….‘na  ‘ntuizioni  !

c’era  lu  casos  cchiù  completu,

nuddu   arrinnisciva, a   tèniri   lu   pubblicu  quietu !

lu    guaiu  iera, quannu   a   pellicola  si  rumpiva

SCIACALLI,  gridavanu,  ppi   tuttu  chiddu  ca  succidiva .

Friscari,  Vanniari,  a  cchiù  nun  puzzu !

LI   timpI  di  la riparazioni, si  arridducivanu   all’ussu !

 Tuttu  ‘stu  CAOS,  succidiva  ‘nti  la  sala 

‘nti   la Tribuna,  ammeci,  pariva   precisu,  ‘na  serata  di  gala

   tutti  vistuti   buni,     ccu   tanta   signorilità

si   putiva   taliari  u   film   ccu    assai  serenità !

 

  Lu   cristianu  cchiù  pretenziusu, cco  gustu  cchiù  finu

  assittannusi  ‘nto salottinu

si putiva  livari  lu  sfiziu

  di taliarisi lu film  fin   dall’iniziu  !

  nun  c’era   un   sulu   proprietariu,

cumu   lu   film  di  TornaturI,   ca  vincì  lu  premiu  !

Lu Gestori  faticava  ppi lu bilanciu monetariu

tantu   ca, un minutu ,   stava  pirdinnu  l’itinerariu.

 

  Tutta ‘na  vota, cci  vinni, ‘n’idea  brillanti

e  lu  successu  fu   ……………..strabilianti  !

LA  MATINE’  DOMENICALE  si  è  ‘nventata

   a li  film  ppe  carusi  dedicata !

Si ammiscava  affettu e   comunicazioni

si formava  cumu  ‘na  processioni

papà, figli, manu affirrata,  ppi  iri a taliari a proiezioni…..

   ma,  ascutàtimi:…. “a  mi …mi  viniva …‘n’emozioni “.

                         

 25 gennaio 2015  Fedele Di Francisca