OMAGGIO A "LU ZI PEPPI"

Omaggio a “Lu zi Peppi”

• Quannu  iera  nicu  a  lu Cinima  cci  iva

‘nti  lu  zi  Peppi   sempri  mi  cci  firmava

cristianu  gentili,  cortesi,  ma  sempri   sulu  ristava

e  a  lu  so  accompagnamentu  picca  genti  partecipava

• Oramai  di  ‘na  decina  d’anni  malatu

a  muta, muta ,  si  nna  iutu

ma  lu  ricordu  di  lu  Villarusanu  resta

quannu  manciamu  li  ciciri, lesta  lesta

• Davanti  a  lu  Cinima  mai  mancava  la  bancarella

vinniva  ciciri,  favi,  ma puru  la  caramella

‘n’ autru  personaggiu   di  li  anni   ’60   si  nna  iutu

 E  ccu  lu  zi  Ninu  Geraci  sa  gungiutu

• ccu  picca  misi  di  differenza  anu  murutu,

accussì  lu   Signuri  a  vulutu.

Ognunu  a  fattu  la   so  parti,  ccu  diligenza  e  serenità

ppi  fari  iri  avanti  la   sociertà

• Un  grazie  a  lu  zi  Peppi  ppi  lu  so  operatu

Giuseppe  Di  Cara  lu  so  veru  nomi  a  statu

e  un  grazie  a  Manliu   Garaci  ca  mi  a  ‘nformatu

accussì  aiu  pututu  fari  ‘stu  piccolo  trattatu

Villarosa  ENNA  09/10/15

                                        Fedele