A FESTA

RUBRICA  COSTUME E SOCIETA’

di   Fedele   Di  Francisca

Per   questo  Natale ,  per  fare   gli  auguri,  voglio   presentare  la   poesia                             “A  FESTA ”  ,  a  suo   tempo   pubblicata (ho  cambiato  il  titolo),  ma   mi  piace   fare    conoscere  tale   poesia   anche  ai  nuovi   amici   che   mi   seguono  negli   ultimi  tempi.  La  poesia  “A  FESTA”  la    trovi  su  facebook  pag  “Le Poesie  di  Fedele”  e   su   blog

A         F   E   S   T  A

Simu  arrivati  quasi  a  Natali,

e  li  augurii  li  vugliu  fari

e  li  vugliu  fari  alla  manera  di   fedeli

presentannu  ‘na  puisia   senza   veli.

Chista   puisia  iu   la   misi   in  pista

innu  parlannu  cco  fisiuterapista 

eccu  ca  la  pigliu  di  ‘n’ anticu  librettu…

scrivinnu   ‘sti  quattru  paroli  di  gettu.

Si   arricampà  lu   Fisiuterapista

iu    iera   fori   pista

veloci   mi   isà   la   testa…

Lu   fici    ppi   daveru   Lesta !

cci   misi   ‘na   certa   forza

puru   lu   ma   patri     “ Aviva   ‘na   foorzaaa  !   “

spaccava    la   ligna,   ca   cci  mittiva    lu   cugnu…

E    Guai   a   ccu   si   cci   ancugna !

‘nti   la   festa   travagliava,  e    riposu   nenti…

ca   aviva  a   badari   a   tutti   li   parenti

AH,   quantu   mìnnuli   ebbi   a   scacciari

e   quantu   ucciddata   sebbi   a   manciari

E   quantu   iera    bedda    a   riunioni  

ddi   tavulati   e   dda   confusioni

e   l’allegria   ca    succidiva

e  la   unioni   ca   si    faciva

      *                                                                                                      1 / 2

 Li   caratteri   vinivanu   plasmati

ccu    tutti  ddi   biddi   sirati

vicinu   a   cunculina    assittati

quannu   fora   c’era   nivi   e   jilati

puru   ccu   lu   jucu    di  li   carti

li   carusi   capivanu   li   parti

si  ‘mparava   a   stari   ‘nsocietà

e   si   crisciva   ccu   assai   onestà

E    li   cunti   ca   cuntava   lu   me   nannu

ca   ni   ivamu   sempri   appasssionannu

e    li   festi   accussì   ivanu   passannu…

senza   ca   ni   ivamu   addunannu

Lu   ma   patri   faciva     lu   contadinu

purtava    sempri    chinu     lu   cuffinu

biletti,      asparaci,   mazzareddi     e   agli…

cicoria,   carduna,  e   fungi   senza   sbagli

e   lu   pani   di   casa   genuinu

lievitatu   cco   cruscenti   do   vicinu

pani,  formaggiu  e  un  po’  di  vinu…

ni   facivamu   lu   vuddicu   chinu                     

                                                                          

E  li   alivi    cuciuti    ‘nti   la   carbunella…..

  Li   ricordi   antichi    parinu    sempri   cchiù   biddi

ma   tutti  li    festi   sunu   sempri   chiddi

simu   nuatri   ca    cci   damu   nu   significatu   differenti

e  chisssu   succedi   facilmenti …

auguriamu    di   passari   ‘na   festa    gaudenti….

addivertirisi,    e    nun   pinsari   a  nenti.

l’urtimu     pinsiri    va   a  lu   Signuri…..

ca   cci   possa   proteggiri   a   tutti   li   uri.

bon  Natali   2014

Fedele   Di   Francisca

Villarosa   dicembre  2014                                                                      2 / 2