O MURU IU, O MORI U SCECCU, O MORI U PATRUNI

O   muru  iu,  o  mori  u  sceccu,   o  mori  u  patruni

Di  chistu   dittu,  mi   tocca   dari   spiegazioni

quannu   travagliava   sutta   patruni

iu   cci   diciva  ca   c’è   sempri   ‘na   soluzioni

pirchì,” O  muru  iu,   o   mori   u   sceccu,  o   mori   u   patruni”

Siddu   cci   riflittimu,   iè   sempri   tuttu  in  movimentu

e   unu   nun   iavi   mai   un  attimu    di    abbintu

di   quannu   iera   nicu,    iavi  ca  lu  sintu

qualchi   scena,  ora  vi  la   cuntu

Lu   me   figliu   aviva   criatu   un   movimentu

ca  si   chiamava   “ Infuocati   dallo  Spirito   Santu  ”

  e   nun   iè   ca    viaggiava   ogni   tantu

ma  tuttu  ‘na  vota  fini’  cumu  d’ incantu

caminavanu   ccu   ‘na   machina   longa  e   bianca

ma  la  scritta   indelebile,   nun  iera   bianca

‘na    bedda   scritta   russa    di  ogni   fiancu….

Infuocati   di  lu   Spiritu   Santu

“ Tutta   la  Sicilia  ivamu  girannu

troppi   spisi   ivamu  facinnu

la  machina   la   firmammu

a  la   ditta   Fedeli   la  passammu”

‘nti  chistu  casu  murì   u  sceccu.!

chista   machina   ccu  la   scritta    indelebili

la  guidava  ‘n’ autista  abili

‘navivamu  firmatu  ppi  cangiari   di   turnu

li  carrabunera  ni  fermanu  di  tunnu

ccu    ‘na  flemma    inglesi,  ca  mi  meravigliaiu

lu  scantu  lu  stessu,  mi  lu  pigliaiu

liggiva  la  scritta   e  ni   taliava

ma  lu  sapi  Lei  a  chi  velocità  iva ?

“Staiu   vidinnu   ca   siti   religiosi,”

SI,  rispunnimmu,  tutti  rispettosi !

allura  lu  sapiti  ca  si  va  a  finiri  ‘nti  lu  Signiruzzu

siddu  la  machina   fa   cadduzzu ?

itivinni  e  stati  attenti   o  caminari

lu  limiti,  nun  la  ta  superari

pinsati  beni   a  cumu   guidari

ammeci  di  stari  sempri  a  pregari

nuautri  pianu, pianu,  ni  immu

e  la     jurnata    cunchiudimmu.

‘n’ autra  vota  la  machina  la    stavu  posteggiannu

poco  distanti   ‘na  machina   stava   smpampannu

i pompieri,  vinimu lestu, ma  nun  sapimu  la  via…

vidimuni  o  biviu,  ci  pinsu  ia

A    lu  biviu   ristaru  a  vucca   aperta

‘na   machina   ccu  la   scritta   infuocati

ca  chiama  i  pompieri   appena  arrivati

lu  me  figliu,   li  a   accumpagnati  !

Turnannu  a  lu   discursu   ca   tuttu  iè  in   movimentu

puru  ca  ti  pari  o  stessu  ‘nti   ddu   momentu

tornacci  duppu  5  anni  e  ancora   c’è  qualchi  riconoscimentu

tornacci   duppu   20  anni,  e  tuttu   cosi   anu  avutu un   cambiamentu

La   società  si  evolve  e  va   avanti

ogni   uomo  addiventa   un  passanti

 da  uomo  a   uomo  veni  trasmessu  lu   sapiri…

la   conclusioni  la   lassu   'mmaginari

Fedele   Di  Francisca  02/09/14 Villarosa (Enna)