IN BERGIU FUMU A VULUNTA'

IN   BERGIU    FUMU   A    VULUNTA’

‘Ntra  stu  Liegi ppi  li  strati  strati

viu  sicarri  sani  e  scramizzuna

senza  daricci  quattru  suspirati

li  iettanu  accussì,  a  l’agnuna  agnuna

iu  dissi  avoti,  chisti  su  avvucati

o  puramenti,  principi  o  baruna

fari   sti  sfrazzi  e  ittarli  sminzati

ppi  la  grannizza  di  la  so  pirsuna

‘nveci  cca  nun  cc’è  ricchi  e  puvireddi

chistu  si  fa  pirchì  cc’è  l’abbunnanza

di  fumari  a  furfè,  senza  ca  speddi

tabacchini  cci  nn’è,  stanza  ppi  stanza

‘nzina  chiddu  ca  scanna  crasti  e  agneddi

vinni  sicarri,  quantu  la  so  panza.

Carmelo  D’ Accardo