La presente
poesia ottenne al 5° concorso di Enna, la classifica di merito e segnalazione.
Diploma e
medaglia d’argento.
Enna 30 Settembre
1973
LODE
ALLA
MADONNA DELLA VISITAZIONE
DI ENNA
1
Matri Santa dammi
sorti
mentri cantu a
stu momentu
d’abbrazzari vivi
e morti
ppi tò giustu
‘nzignamentu
ppi st’arduri ca
mi duni
iu t’aduru,
aginucchiuni
2
di stu cori e la
me casa
sempri ha statu
protettrici
ca nun trovu
meglia frasa
comu a chiddu
cchiù filici
quannu è prontu a
la prighiera
trova amuri e
paci vera
3
nuddu, nuddu
cchiù di tia
pozza fari la
suprana
sula tu, Matri
Maria
si cchiù granni e
cchiù umana
ca a li tanti
piccatura
l’ha scanzatu a
li dulura
4
quannu stenni la
tò manu
cci la stenni
arrincu a tutti
pirchì voi lu munnu sanu
no patiri, peni e
lutti
comu spirassi lu
virseriu
ppi sò vili
disideriu
5
quannu tu, Matri d’amuri
scinni e lassi
l’universu
veni e accrisci
tantu arduri
di stu munnu
amaru e spersu
senza umbra di
spiranza
tu cci duni bona
stanza
6
tu cci porti la
tò luci
la divina
pruvvidenza
lu tò visu
accussì duci
nostru scutu e
ricumpenza
di na Matri
saggia e santa
ca li figli guida
e canta
7
d’accussì la
bedda Enna
ca glurienti
‘ncelu manna
lu sò votu e su a
vicenna
ca sta paci t’addumanna
chidda paci ca
susteni
lu triunfu e
tanti beni
8
mentri tutti semu
a coru
ccu lu preiu a la
scializza
ni gudemu lu ristoru
di sta Matri e la
carizza
ripitennu in
cumpagnia
Viva! Tu Matri
Maria.
Carmelo D' Accardo
La presente
poesia ottenne al 5° concorso di Enna, la classifica di merito e segnalazione.
Diploma e
medaglia d’argento.
Enna 30 Settembre
1973
Nessun commento:
Posta un commento